Թեհրանում հայտարարել են, որ բանակցությունների համար սպասում են Վաշինգտոնի առաջին քայլին
Թեհրանը պատրաստ է Վաշինգտոնի հետ բանակցություններ վարել միջուկային ծրագրի շուրջ, բայց ինչպես նախկինում, չի դիտարկում ուրանի հարստացումից լիակատար հրաժարումը: «Արմենպրես»-ի փոխանցմամբ՝ այս մասին CNN-ին ասել է Իրանի գերագույն առաջնորդի՝ արտաքին քաղաքականության գծով խորհրդական Քամալ Խարազին։
«Նրանք պետք է անեն առաջին քայլը՝ ցույց տալու համար, որ պատրաստ են համագործակցել մեզ հետ մեր կողմից առաջադրվող պայմաններով…. Սա պետք է հիմնված լինի իրավահավասարության և փոխադարձ հարգանքի վրա», – ասել է նա։
«Ցավոք, ԱՄՆ նախագահ Դոնալդ Թրամփը չի հավատում դիվանագիտական փոխգործակցությանը, այլ նախընտրում է ուժ կիրառել իր նպատակներին հասնելու համար», – հավելել է Խարազին։
Նա ընդգծել է, որ Իրանի պայմանները բանակցություններ վարելու համար մնում են անփոփոխ՝ Թեհրանը չի հրաժարվի խաղաղ նպատակներով ուրանի հարստացումից կամ իր բալիստիկ հրթիռների ստեղծման ծրագրից։
Հունիսին CNN-ը հաղորդել էր, որ Վաշինգտոնն առաջարկել է միջուկային գործարք, որի համաձայն ԱՄՆ-ն ներդրում կանի Իրանի քաղաքացիական միջուկային էներգետիկայի ծրագրում և կմիանա մի կոնսորցիումի, որը կհսկի Իրանում ցածր ակտիվությամբ ուրանի հարստացումն անորոշ ժամանակաշրջանում: Այս հնարավոր կոնսորցիումի մեջ, ԱՄՆ-ի պլանի համաձայն, կարող են մտնել Մերձավոր Արևելքի երկրները և Ատոմային էներգիայի միջազգային գործակալությունը (ԱԷՄԳ):
Իրանցի պաշտոնյաները բազմիցս հայտարարել են, որ իրենք բաց են ուրանի հարստացման կոնսորցիում ստեղծելու գաղափարի համար, բայց պնդել են, որ Իրանը պետք է հնարավորություն ունենա վերահսկելու իր սեփական ուրանի հարստացման կարողությունները:
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Եկող տարի մենք ունենալու ենք գյուղմթերքի դեֆիցիտ. Հրայր Կամենդատյան
«ՀայաՔվե» ազգային քաղաքացիական միավորման անդամներն այցելել են «Եռաբլուր» պանթեոն
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Նորածնին պոլիկլինիկայում կարելի է գրանցել առցանց․ ԱՆ-ն մանրամասներ է ներկայացրել
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...