Փաշինյանն ընդդիմադիրների դեմ օգտագործելու է ցանկացած առիթ ու խոսք
Որքան մոտենում են խորհրդարանական ընտրությունները, այնքան Նիկոլ Փաշինյանի հռետորաբանությունը օբյեկտիվորեն կոշտանում է, բայց միայն ներքաղաքական կյանքում։ Երեկ կառավարության նիստից հետո լրագրողների հետ ճեպազրույցում Փաշինյանը հայտարարել է, թե, նախորդող շրջանի քաղաքական էլիտայի բոլոր ներկայացուցիչները, որոնք Հայաստանն առաջնորդել են, տարել դեպի թակարդ ու պահել թակարդում, 2026 թ. Ազգային ժողովի ընտրությունների արդյունքում պետք է դուրս մղվեն ու այլևս քաղաքական դաշտում տեղ չունենան։
«Սա իմ կարծիքն է, և համոզված եմ, որ այդպես էլ տեղի կունենա»,– սել է Փաշինյանը։ Նա նաև համոզված է, որ խորհրդարանական ընտրությունները չպետք է հանգեցնեն առճակատման ու, ընդհանրապես, առճակատում չի կարող լինել։ «Մարդկանց հետ շփվում եմ, մարդիկ արդեն զզվել են նախկին–ներկա բանավեճերից, էլ չեմ ասում, որ այդ բանավեճերը շատ հաճախ դուրս են գալիս քաղաքական բարեկրթության տրամաբանությունից»,– հայտարարել է Փաշինյանը։
Ավելին, ըստ Փաշինյանի, իրենք կուսակցության ֆորմատով են քննարկում ունեցել այս թեմայով ու եկել են այն եզրակացության, որ պետք է քաղաքական կյանքի նորմալ կանոններ հաստատվեն Հայաստանում, որտեղ հայհոյախոսությունն ընդհանրապես տեղ չպետք է ունենա։ «Հիմա դուք կասեք, որ ես էլ եմ նույնն արել…Այո՛, դրա համար հիմա ես կիրակի օրերը գնում եմ ու խորանի առաջ ծնկի եմ գալիս, մեղքերի համար թողություն եմ խնդրում»,– ասել է Փաշինյանը։
Ինչպես Փաշինյանի ցանկացած հայտարարություն, սա էլ առնվազն լուրջ համարվել չի կարող։ Հայկական քաղաքական դաշտում ամենաշատ հայհոյանքներ տված կուսակցության ղեկավարը ուրիշների դեմ է փորձում օգտագործել հայհոյախոսությունը, նրանց կալանավորելու, ձերբակալելու։ Դիցուք հենց գիշերը Գյումրիի քաղաքապետի որդուն կալանավորել են իբր համացանցով խուլիգանության համար։
Մի մեղադրանք էլ ավելացրել են Վարդան Ղուկասյանին՝ դատական նիստերում հնչած հայհոյանքի համար։ Այս ամենը վկայում է, որ Նիկոլ Փաշինյանը ընդամենը առիթն օգտագործում է իր քաղաքական հակառակորդներին դուրս մղելու նպատակով, իսկ թիրախում, ինչպես միշտ, նախկիններն են, որոնց դեմ օգտագործվող դիսկուրսը Փաշինյանը հաջողությամբ կիրառել է տարիներ շարունակ և առաջիկայում ևս փորձելու է կիրառել։
Սուրեն Մուրադյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Եգիպտական ռազմական ինքնաթիռը Հայաստանի օդային տարածքն օգտագործել է Բաքու թռչելու համար
Մանկավարժականի ռեկտորը ազատ արձակվեց. որոշում․ «Ժողովուրդ»
Թուրքիան այլևս չի թաքցնում, որ տարածաշրջանում գործում է որպես Արևմուտքի գործընկեր․ Սուրենյանց
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Կենսաթոշակը կամ նպաստը կանխիկ եղանակով ստացողներն ինչպես կարող են անցնել անկանխիկ տարբերակի
Միայն քպականների կյանքում պետք է «բան փոխվի», թոշակառուն ո՞վ է նրանց համար. «Փաստ»