Առողջապահության փոխնախարար Արտակ Ջումայանն ազատվել է աշխատանքից
Առողջապահության փոխնախարար Արտակ Ջումայանն աշխատանքից ազատվել է։
«Ցանկանում եմ անկեղծ շնորհակալություն հայտնել յուրաքանչյուրիդ՝ համատեղ աշխատանքի, նվիրվածության, անգնահատելի աջակցության և ջերմ թիմային միջավայրի համար։ Մենք միասին անցել ենք պատասխանատու, երբեմն՝ ճգնաժամային ու բարդ ճանապարհ՝ իրականացնելով ոլորտային բարեփոխումներ, զարգացնելով առողջապահական ծառայությունների որակն ու բարձրացնելով մասնագիտական հանրույթի դերը։
Հատուկ շնորհակալություն եմ ուզում հայտնել Հայաստանի Հանրապետության վարչապետ Նիկոլ Փաշինյանին՝ բարձր վստահության, մեր երկրին ու ժողովրդին ծառայելու հնարավորության համար։
Շնորհակալություն եմ հայտնում առողջապահության նախարար Անահիտ Ավանեսյանին՝ ցուցաբերած վստահության, գործընկերային մոտեցման և համատեղ իրականացրած նախաձեռնությունների համար։
Շնորհակալություն նաև իմ բոլոր գործընկերներին՝ աշխատասիրության, պատասխանատու վերաբերմունքի և փոխադարձ աջակցության համար։
Ուրախ եմ, որ հնարավորություն եմ ունեցել աշխատելու ձեզնից յուրաքանչյուրի հետ՝ տեսնելով ձեր մասնագիտական կարողությունները, ազնվությունն ու պետական մտածողությունը։ Մեր ձեռքբերումներից յուրաքանչյուրը համատեղ աշխատանքի արդյունք է։
Չնայած պաշտոնական լիազորություններս որպես նախարարի տեղակալ ավարտվում են` մասնագիտական գործունեությունս շարունակելու եմ մեր սիրելի ոլորտում՝ այլ կարգավիճակում։ Առողջապահության նկատմամբ իմ հավատը, նվիրումն ու պատրաստակամությունը մնում են անփոփոխ։ Այս տարիների փորձը, գործընկերային հարաբերություններն ու մարդկային կապերը կծառայեցնեմ նոր աշխատանքում։
Մնում եմ ձեր բարեկամը, աջակիցը և ընկերը՝ 24/7 ռեժիմով։
Մաղթում եմ առողջություն բոլորիս և շարունակական հաջողություններ՝ հանուն առողջ ու ուժեղ Հայաստանի»,– գրել է նա։
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Բեյջի թելերից ավելի ուշագրով գնումներ էլ են եղել
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Հանդիպեցի մեր հայ երիտասարդների հետ ու վստահ ասում եմ՝ մեր ապագան վստահելի ձեռքերում է․ Նարեկ Կարապե...