Եկեղեցին որոշել է լրջորեն դիմադրել Նիկոլ Փաշինյանին
Ինչպես և սպասվում էր, Նիկոլ Փաշինյանի կողմն անցած փոքրաթիվ եպիսկոպոսները միայնակ են մնացել Հայ Առաքելական ողջ եկեղեցու դեմ։ Երեկ, տարածված հայտարարությունից հետո, Գերագույն հոգևոր խորհուրդը ժողով է գումարել, որին հրավիրել են նաև Նավասարդ Կճոյանին և մյուս սրբազաններին, ովքեր Գարեգին Բ–ին ուղղված նամակ էին ստորագրել, նաև գնացել էին հանդիպման Նիկոլ Փաշինյանի հետ։
Պարզվում է, այդ անձինք խրոխտ և խիզախ են միայն հեռավորությունից և հրաժարվել էին ներկայանալ Գերագույն հոգևոր խորհրդի ժողովին՝ այդ կերպ ձախողելով ժողովի աշխատանքները։ Իսկ ժողովին ներկա մյուս բարձրաստիճան հոգևորականները, ապա և վարդապետաց դասը, վերահաստատել էր իր ուխտը՝ հավատարիմ մնալով Ամենայն Հայոց Կաթողիկոսին։ Վարդապետները Մայր Աթոռի տարածած հայտարարության մեջ պատգամում են եկեղեցու քահանաներին և հավատացյալներին չգայթակղվել և չտրտմել հոգևորականության հասցեին հնչած զրպարտություններից և հալածանքներից, չօտարանալ Մայր եկեղեցու հոգևոր կյանքից։
Ըստ էության, Փաշինյանի այս գործողությունը կարելի է ձախողված համարել, թեպետ պետք է հանուն արդարության նշել, որ Նիկոլ Փաշինյանը մի շարք խաղաքարտեր ունի, որոնք պարբերաբար ակտիվացնում և խաղարկում է ընդդեմ Հայ Առաքելական եկեղեցու։ Փաշինյանը վաղը նաև պատարագի է մասնակցելու հենց Երևանի Մայր եկեղեցում, որտեղ այսօր պատարագ է մատուցել Գարեգին Բ–ը, իսկ հավատացյալների բազմությունն այնքան մեծ է եղել, որ, ըստ մամուլի, հիմա էլ Փաշինյանն է փորձում հնարավորինս ավելի մեծ ներկայություն ապահովել՝ ցույց տալու, թե իբր իրեն ավելի շատ են աջակցում հավատացյալները։
Այդ նպատակով նաև վարչական ռեսուրս են փորձում կիրառել՝ մարդկանց պարտադրելով և համոզելով ներկայանալ եկեղեցի կիրակի առավոտյան։ Ի դեպ, ըմբոստացած եպիսկոպոսները երեկ երեկոյան մի ծավալուն հայտարարություն էլ են տարածել, որտեղ բացառապես գեղեցիկ բառերի կույտ է, և որևէ հստակ պահանջ ներկայացված չէ։
Տաթևիկ Ստեփանյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը