Այն, ինչ տեղի է ունենում մեր օրերում, խայտառակություն է ոչ միայն պետության, այլև ամբողջ ազգի համար. Մհեր Ավետիսյան

Սիրելի հայեր,

 Մի՛ մոռացեք՝ մեզանից հետո սերունդներ են գալու։

Մենք իրավունք չունենք նրանց թողնելու ամոթի, նվաստացման, կոտրված արժանապատվության մի պետություն։ Ունենք սուրբ պարտք՝ սերունդներին հանձնել մի հայրենիք, որը նրանք չեն ամաչի կրել իրենց ուսերին։

Գոնե հանուն մեր երեխաների, նրանց ապագայի, նրանց խաղաղ ու պատվով ապրելու իրավունքի՝

եկեք կանգ առնենք։

Եկեք հարց տանք մեզ՝

ին՞չ ենք անում, ու՞ր ենք գնում, և ինչի՞ ենք վերածում մեր հայրենիքն ու հայ ազգի ապագան։

 Մեր ժողովուրդը կարող է վեր կանգնել։

Կարող է ուղղվել, կարող է վերականգնվել։

Բայց միայն այն դեպքում, եթե յուրաքանչյուր հայ սկսի իրենից՝ իր պատասխանատվությամբ։

Միայն կա՛մքով, գործողությամբ կարող ենք դուրս գալ այս խայտառակությունից։

 Այսօր ոչ ոք իրավունք չունի մտածելու միայն իր մասին։

Ժամանակն է հոգ տանել և մտածել ազգային վաղվա, մեր պետության կենսունակության, մեր տան հողի ու պատվի մասին։

 Մեր պապերը հազարավոր տարիներ չեն տառապել, չեն անցել անպատկերացնելի, անմարդկային տառապանքների միջով, որ մենք այսօր նրանց կտակածը այսպես անպատիվ կերպով կործանենք։

 
Եկեք խորհենք։

 Եկեք այդ ուժը գտնենք մեր մեջ։

 Խնդրում եմ Աստծուն տա իմաստություն իմ հայ ժողովրդին։