Պենտագոնում ավարտվել է Signal չաթում նամակագրությունների սկանդալի հետաքննությունը
Պենտագոնի գլխավոր տեսուչի պաշտոնակատարն ավարտել է իր հետաքննությունը՝ պարզելու համար, թե արդյոք Պենտագոնի քարտուղար Փիթ Հագսեթը խախտում է կատարել՝ հաղորդագրությունների Signal հավելվածում հարձակման ծրագրերը հրապարակելով։ Bloomberg-ին հայտնել են գործին ծանոթ աղբյուրները։
Bloomberg-ի տվյալներով՝ Պենտագոնի գլխավոր տեսուչի «Signal gate» սկանդալի վերաբերյալ զեկույցը երեքշաբթի ներկայացվել է ԱՄՆ Սենատի զինված ուժերի կոմիտեին։
Զեկույցում վերլուծվել է Հագսեթի հաղորդագրությունները Եմենում հութի զինյալների դեմ ԱՄՆ ծրագրված ավիահարվածների մասին, որոնք ուղարկվել էին Signal խմբային չաթին, որին պատահաբար մուտք է գործել The Atlantic-ի խմբագիրը։
Հաշվետվությունը պահանջել են Սենատի կոմիտեի անդամները,մասնավորապես՝ կոմիտեն նախագահող հանրապետական Ռոջեր Ուիքերը, և դեմոկրատ Ջեք Ռիդը։
Մասնավորապես, նրանք խնդրել են գնահատական տալ, թե «ինչպես են ինչ-որ անձինք գաղտնի տեղեկություն, ներառյալ՝ գաղտնի համակարգերից օպերատիվ մանրամասներ փոխանցել ոչ գաղտնի համակարգերին»։
Պենտագոնի գլխավոր տեսուչի ճշգրիտ եզրակացությունը Հագսեթի գործողությունների վերաբերյալ դեռևս անհայտ է։ Bloomberg-ի աղբյուրների տվյալներով՝ զեկույցի ոչ գաղտնի մասը, ենթադրվում է, կհրապարակվի ընթացիկ շաբաթվա մեջ։
Հիշեցնենք, որ 2025 թվականի մարտին The Atlantic-ի խմբագիր Ջեֆրի Գոլդբերգը պատմել էր, թե ինչպես է պատահաբար միացել Signal խմբային զրույցին ԱՄՆ բարձրաստիճան պաշտոնյաների հետ։
Զրույցի ընթացքում Պենտագոնի ղեկավարը քննարկել է հութի զինյալների դեմ հարձակումների մանրամասն ծրագրերը, ներառյալ՝ ճշգրիտ ժամկետները և զենքերը, քննարկում, որը, ըստ Թրամփի վարչակազմի քննադատների, կարող է խախտել գաղտնի տեղեկատվության մշակման արձանագրությունները և սպառնալ ազգային անվտանգությանը։
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
Սյունիքի համայնքապետերը՝ կադրից դուրս. «Ժողովուրդ»
Երբ նայում ես «խաղաղության» կոնտեքստին, հասկանում ես, որ Մեծ Եղեռնը վերջին «եթերաշրջանը» կունենա