Թրամփը դրական է գնահատել Կրեմլում իր բանագնացների հանդիպումը Պուտինի հետ
Միացյալ Նահանգների նախագահ Դոնալդ Թրամփը դրական է գնահատել դեկտեմբերի 3-ին Մոսկվայում ուկրաինական պատերազմի հարցով տեղի ունեցած բանակցություններն իր հատուկ բանագնաց Սթիվ Ուիթքոֆի, փեսա և նախկին գլխավոր խորհրդական Ջարեդ Քուշների ու Ռուսաստանի նախագահ Վլադիմիր Պուտինի միջև։
Ինչպես հաղորդում է «Արմենպրես»-ը, այս մասին հայտնում է ABC News-ը։Թրամփը մասնավորապես նշել է, որ Կրեմլում կայացած հանդիպումից հետո խոսել է Ուիթքոֆի և Քուշների հետ։ «Ես կարող եմ ասել, որ նրանք բավականին լավ հանդիպում են ունեցել նախագահ Պուտինի հետ․․․Սա մի պատերազմ է, որը չպետք է երբևէ սկսվեր։
Ի՞նչ կստացվի այդ հանդիպումից, ես չեմ կարող ասել, քանի որ տանգոյի համար երկուսն են պետք։ Նա (խմբ․- Պուտինը) ցանկանում է ավարտել պատերազմը։ Սա էր նրանց տպավորությունը»,- ասել է Թրամփը Օվալաձև սենյակում լրագրողների հետ զրույցում։ Նա կարծիք է հայտնել, որ Ռուսաստանի ղեկավարը կցանկանա վերադառնալ բնականոն կյանքի և «շաբաթական հազարավոր զինվորներ կորցնելու փոխարեն գործարքի մեջ մտնել ԱՄՆ-ի հետ»։
«Նրանց տպավորությունը շատ հստակ էր, որ նա ցանկանում է գործարքի հասնել»,- ասել է ԱՄՆ նախագահը՝ խոսելով Մոսկվայում կայացած բանակցությունների մասին։Կրեմլում կայցած հանդիպումից հետո ՌԴ նախագահի օգնական Յուրի Ուշակովը հայտարարել էր, որ դեռևս չկան ուկրաինական հակամարտության կարգավորման հարցով ընդունված փոխզիջումային տարբերակներ։
«Սակայն որոշ ամերիկյան առաջարկներ քիչ, թե շատ ընդունելի էին։ Նախագահը չի թաքցրել մեր քննադատական կամ բացասական վերաբերմունքը որոշ առաջարկների մասով։ Մենք ընդունեցինք որոշ բաներ․․․որոշներն էլ քննադատեցինք։ Սակայն կարևորն այն է, որ մենք շատ օգտակար քննարկում ունեցանք»,- հանդիպման արդյունքների մասին հայտարարել էր Ուշակովը։
Մեծ հավանականությամբ Ադրբեջանը Հայաստան է ուղարկել երրորդ երկրի ծագում ունեցող բենզին․ Վահե Դավթյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
Ինչպես և ակնկալում էի` ՀԷՑ-ի մեջ մտնելուն պես կառավարությունը որոշում է մտնել քաղաքացու գրպանը
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել