Փաշինյանի մուրազը կարող է փորում մնալ
Նիկոլ Փաշինյանը խիստ ցանկություն ունի դեկտեմբերի 7-ին կայանալիք պատարագը «ըմբոշխնել» Գյումրիում, բայց, ըստ ամենայնի, զարգացումներն այնպիսին են, որ Փաշինյանի այս մուրազը կարող է մնալ փորում։ Օրեր առաջ տեղեկություն տարածվեց, որ Շիրակի թեմի բոլոր քահանաները հրաժարվել են Փաշինյանի մասնակցությամբ պատարագին շրջանցել Վեհափառի անունը, բացի մի հոգուց՝ Գյումրիի Սուրբ Հակոբ Մծբնեցի եկեղեցու քահանա Տեր Ռուբենից։
Սակայն վերջինս հայտարարել է, որ իրավունք չունի նման բան անելու, 25 տարի Վեհափառի անունը տվել է և կրկին տալու է։ Տեր Ռուբեն քահանա Գասպարյանի հետ ԶԼՄ-ների զրույցներից պարզ է դառնում, որ Փաշինյանի այս ցանկությունը քահանային հասցրել են Տնտեսագիտական համալսարանի Գյումրիի մասնաճյուղի ղեկավար Կարեն Պետրոսյանի միջոցով։ Վերջինս 2018 թվականին «Նոր Հայաստան, Նոր Հայրապետ» շարժման նախաձեռնողներից մեկն էր և դրանից հետո էլ պարգևատրվել էր փաշինյանական իշխանության կողմից՝ առանց համապատասխան կրթության նշանակվելով համալսարանի Գյումրիի մասնաճյուղի ղեկավար։ Ավելին, ոչ միայն փաշինյանական ակտիվիստի վերածված ռեկտորը, այլ նաև ԱԱԾ-ականներ են հանդիպել տարբեր քահանաների հետ, փորձել համոզել, պարտադրել, որպեսզի պատարագի ընթացքում սղեն, շրջանցեն Գարեգին 2-րդ կաթողիկոսի անունը, բայց բոլոր քահանաները անխտիր հրաժարվել են կատարել այս ապօրինի պահանջը։
Ընդհուպ չեն բացառում, որ Փաշինյանը կարող է որպես քրիստոնյա մասնակցել պատարագին, բայց Վեհափառի անունը շրջանցելու ցանկություն որևէ մեկը չունի։ Մինչդեռ Փաշինյանի համար սա սկզբունքային նշանակություն ունեցող հարց է և չի բացառվում, որ նա պարզապես հրաժարվի մասնակցել որևէ պատարագի, եթե Շիրակի թեմում համապատասխան որևէ հոգևորականի չկարողանան համոզել կամ պարտադրել պատարագը մատուցել ոչ թե հայ առաքելական կանոնական ձևով, այլ Փաշինյանի ցանկացած կերպ։ Եվ, ըստ ամենայնի, Փաշինյանը կարող է առաջին անգամ պատարագի չմասնակցել Գյումրիում կամ էլ փորձի աղետի գոտու տուժած որևէ այլ համայնքում պատարագ կազմակերպել և այնտեղ մասնակցել։
Կարինե Հախվերդյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը