Փաշինյանը փորձում է խափանել Եպիսկոպոսաց ժողովը
Մայր Աթոռի դիվանապետ Արշակ արքեպիսկոպոս Խաչատրյանը թվով չորրորդ բարձրաստիճան հոգևորականն է, որ կալանավորվում է իշխանության ապօրինի հրահանգներով՝ անհեթեթագույն մեղադրանքով։ Սակայն առաջիկայում նոր կալանավորումներ ու հետապնդումներ են սպասվում Հայ Առաքելական Եկեղեցու դեմ։ Բանն այն է, որ դեկտեմբերի 12-ին Եպիսկոպոսաց ժողով է լինելու, որը քննարկելու է Փաշինյանին հավատարմություն հայտնած բարձրաստիճան հոգևորականների վարքը։ Չի բացառվում, որ որոշներին էլ պարզապես կարգալույծ հռչակեն։
Հայ Առաքելական Եկեղեցու վեց տասնյակ եպիսկոպոսներից Փաշինյանին այս կամ այն կերպ աջակցություն հայտնել է միայն 13-ը, օրերս էլ 27 եպիսկոպոսներ կոշտ հայտարարությամբ աջակցություն էին հայտնել կաթողիկոսին և դատապարտել թե՛ Փաշինյանին, և թե՛ իրենց առաջնորդին ուրացած եպիսկոպոսներին։ Եվ այժմ Նիկոլ Փաշինյանը կոնկրետ նպատակ է դրել իր առջև՝ ամեն գնով խափանել Եպիսկոպոսաց ժողովը․ նախ՝ ձերբակալելով ու կալանավորելով ազդեցիկ կրոնական առաջնորդներին, ապա՛ և ահաբեկելով մյուսներին, որպեսզի կարողանա հասնել իր ցանկալի զարգացումներին։
Եկեղեցում հրաշալի հասկանում են այս հանգամանքը և, չնայած իշխանության բռնաճնշումների սաստկացմանը, ավելի ու ավելի կոշտ են արձագանքելու Հայ Առաքելական Եկեղեցու դեմ իշխանության գործողություններին։
Իսկ դրա նախերգանքը կարող է լինել արդեն դեկտեմբերի 7-ին Գյումրիում՝ Սուրբ Յոթվերք եկեղեցում մատուցվելիք պատարագը, որին Փաշինյանը մասնակցելու է և ցանկանում է իր հետ Երևանից տանել հոգևորականի՝ տեղում պատարագը անցկացնելու համար, քանի որ Շիրակի թեմի բոլոր քահանաները հրաժարվել են կատարել իշխանության պահանջները, չնայած գտնվում են Ազգային անվտանգության ծառայության շատ կոշտ ճնշումների ներքո։
Սոնա Մուրադյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը