Մայր Աթոռը աստիճանաբար կոշտացնում է դիրքորոշումները
Նիկոլ Փաշինյանին հավատարմություն հայտնած, տիրադավ եպիսկոպոսներին Մայր Աթոռը հորդորում է դադարեցնել խոտոր ընթացքը, վերադառնալ կանոնական դաշտ, իսկ խիստ միջոցների կիրառումից առայժմ զերծ են մնում։ «Թեմակալ առաջնորդի հոգևոր իշխանության շրջանցումով, եկեղեցական ընկալյալ կարգի ու կանոնի անտեսումով որևէ եպիսկոպոսի մասնակցությունը «Պատարագներին» կանոնական կոպտագույն խախտում է, ինչը տեղի ունեցավ Շիրակի թեմի Սուրբ Աստվածածին Յոթ Վերք առաջնորդանիստ եկեղեցում», - ասված է հայտարարությունում։
Ընդ որում, պատարագ բառը Մայր Աթոռը չակերտներում է գրում, խստորեն դատապարտում վարչապետի գլխավորությամբ իրավապահ մարմինների ուժային միջամտություններով, եկեղեցական կարգ ու կանոնների, Սահմանադրության կոպիտ խախտումներով արարողությունների կազմակերպումը տարբեր թեմերի եկեղեցիներում։ Թեպետ Մայր Աթոռը հետաձգել է ավելի վաղ հրավիրված եպիսկոպոսաց ժողովը, բայց և ակնհայտ է, որ բոլորովին մտադիր չէ նախաձեռնությունը թողել Նիկոլ Փաշինյանի և նրան հավատարմություն հայտնած փոքր եպիսկոպոսը խմբակի ձեռքին, հրաշալի հասկանալով, որ դա ծանր հետևանքներ կունենա։ Մեր տեղեկություններով, եպիսկոպոսաց ժողովը շատ չի ուշանալու։
Իսկ եկեղեցու ներսում բավականին լուրջ դիմադրություն է ձևավորվում, որոնք կաթողիկոսից ուղղակիորեն պահանջում են ժողով գումարել և կարգալույծ հռչակել բոլոր այն եպիսկոպոսներին ու հոգևորականներին, որոնք, կոպտորեն խախտելով կանոնագիրքը և անցնելով Փաշինյանի թրի տակով, կատարում են գործող իշխանությունների հրահանգները։ Ըստ էության, 2 կողմն էլ առայժմ մտադրություն չունի հետքայլ անելու։ Կարճ ասած, հատել են անդառնալիության կետը, և այս պատերազմը ավարտելու է կողմերից մեկի լիակատար պարտությամբ։ Եվ թեպետ Փաշինյանն առայժմ ավելի թարմ է թվում այս ճակատամարտում, բայց ի վերջո նրան չի հաջողվելու նման ծանր հարված հասցնել Հայ առաքելական եկեղեցուն։
Սոնա Գալստյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է