Հայաստանի իշխանությունների հերթական հակառուսական քայլը
Հայաստանի նախագահի պաշտոնը զբաղեցնող Վահագն Խաչատուրյանն այս օրերին Թուրքմենստանում է, մասնակցում է Թուրքմենստանի մշտական չեզոքության30-ամյակին նվիրված միջոցառմանը, որի ընթացքում հանդիպումներ է ունեցել տարբեր երկրների ղեկավարների հետ, նաև ելույթ է ունեցել «Խաղաղություն և վստահություն. միասնության նպատակ՝ հանուն կայուն ապագայի» խորագրով լիագումար նիստին։ Ընդ որում, նախկին խորհրդային այդ հանրապետությունում կազմակերպված միջոցառմանը Վահագն Խաչատրյանը ելույթ է ունեցել անգլերեն լեզվով։
Ռուսաստանի նախագահի օգնական Յուրի Ուշակովը տեղեկացրել է, որ Աշքաբադի միջազգային համաժողովում ԱՊՀ երկրների պատվիրակությունների ղեկավարների մեծ մասը հաղորդակցվում էր ռուսերեն լեզվով։ Ռուսերենը չէին օգտագործում միայն Վրաստանի և Հայաստանի ներկայացուցիչները, ինչը տարակուսանքով է ընդունվել ռուսական կողմից։ Թեպետ բացահայտ քննադատություն չի հնչել, բայց ակնհայտ է, որ ռուսական կողմը չափազանց ծանր է տանում նման դեմարշները, առավել ևս, որ Հայաստանի բարձրաստիճան պաշտոնյաները ռուսերեն լեզվին տիրապետում են։
Մոսկվան այս քայլն էլ գնահատելու է որպես հակառուսականության դրսևորում Հայաստանի գործող իշխանությունների կողմից։ Առանց այն էլ փաշինյանական իշխանությունը և նրա տարբեր կալիբրի պաշտոնյաները առիթը բաց չեն թողնում Ռուսաստանի հասցեին կսմիթներ բաց թողվելու համար, և այժմ էլ նախագահի պաշտոնը զբաղեցնող անձի կողմից նման դեմարշը բավականին լուրջ հետևանքներ է ունենալու։
Աննա Մարգարյան
Դիմում եմ պահեստազորի գեներալներին, սպաներին, ենթասպաներին և պահեստազորում հաշվառված շարքային կազմին...
«Հրապարակ»․ Սիփան Փաշինյանը՝ Տավուշի մարզպե՞տ
Նոր մանրամասներ ողբերգական դեպքից
Դոլարն էժանացել է․ փոխարժեքն՝ այսօր
Զոհված կին զինծառայողների մարմինները պղծելուց հետո ադրբեջանցի պաշտոնյաները հերթով ՀՀ են գալիս
Արաղչին կոչ է արել ամերիկացի զինվորականներին հեռանալ Իրանից
«Հրապարակ»․ Միքայել Մելքումյանը խզել է կապերը ԲՀԿ-ի հետ
«Ժողովուրդ». Ավետիս Առաքելյանը գնում է ԱԺ, Գյումրու կառավարման հարցը՝ մնում բաց. ինչ պլան ունեն իշխա...
Նարեկ Կարապետյանի շուրջ վարույթը՝ փաստերի՞, թե՞ քաղաքական նպատակահարմարության հարց․ Լիլիա Շուշանյան
«Հրապարակ»․ Իշխանությունը հետընտրական «չիստկա» է անում