Փաշինյանական իշխանությունը նոր արշավ է սկսելու ԶԼՄ-ների դեմ
Հայաստանի գործող իշխանությունները իրենց ընդդիմախոսների դեմ ծավալած հակաօրինական պայքարում, բռնաճնշումներում այլևս ոչնչի մեջ խտրականություն չեն դնում։ Ընդ որում, ՔՊ մեր աղբյուրի փոխանցմամբ, իշխող կուսակցությունում ավելի շատ լուրջ մտահոգություններ ունեն ընդդիմադիր ԶԼՄ-ների աշխատանքներից, քան նույնիսկ կուսակցությունների և քաղաքական միավորումների մեծ մասից։
Խորհրդարանական ընտրություններին ընդառաջ, փաշինյանական իշխանությունը փորձում է մոլդովական սցենար կիրառել Հայաստանում, իսկ Արևմուտքը, ի դեմս Եվրամիության տարբեր ներկայացուցիչների, ոչ միայն աչք է փակում գործող իշխանությունների ապօրինությունների վրա, այլև նույնիսկ խոստացել են 12 միլիոն եվրո հատկացնել «հիբրիդային սպառնալիքների» դեմ պայքարելու համար։ Իշխանությունը հրաշալի հասկանում է, որ այս հարցում իր թիվ մեկ հակառակորդը հենց ԶԼՄ-ներն են, անկախ և ազատ խոսքը, որը պետք է ամեն գնով ճնշել։ Վերջերս Փաշինյանի մոտ նեղ կազմով խորհրդակցություն է եղել, որին մասնակցել են պաշտոնյաներ, պատգամավորներ, մամուլի հետ կապ ունեցող անձինք, հիմնադրամի ղեկավարներ, որի ընթացքում էլ քննարկվել է, թե ինչպես կարելի է փակել տարբեր լրատվամիջոցների և լրագրողների բերանը։
Ընդհուպ քննարկել են գործ սարքելու, որոշներին ձերբակալելու, վարկաբեկելու, իբր կաշառակեր ներկայացնելու առաջարկներ։ Ներկաներից մեկն էլ կոչ է արել օգտվել մոլդովական իշխանությունների փորձից և փակել տարբեր լրատվամիջոցներ՝ դրանք ներկայացնելով իբր օտարերկրյա պետությունների և ծառայությունների սպասարկու։ Որոշվել է, որ այդպիսի հանդիպումները պարբերական դարձնեն և քննարկեն հատ-հատ տարբեր լրատվամիջոցների աշխատանքը, նրանց լռեցնելու հնարավորությունները, ուստի առաջիկայում լրատվական դաշտում բավականին ծանրզարգացումներ են սպասվում։
Սոնա Գուլքանյան
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
Երևանում և մարզերում լույս չի լինի. հասցեներ
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Իշխանությունների թիրախում են ակտիվ արցախցիները. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Ողբերգական ավտովթար՝ Սյունիքի մարզում. բախվել են 2 «Mercedes Sprinter»-ը. վարորդներից մեկը մահացել է
Դիմակավորված անձինք ներխուժել են ԱԺ պատգամավոր Մարտուն Գրիգորյանի տուն