Վրաստանը «Միջին միջանցքը» կդարձնի տարածաշրջանի ամենահուսալի, անվտանգ և արդյունավետ միջանցքը. Կոբախիձե
Վրաստանի երկաթուղային ենթակառուցվածքների արդիականացումն ամրապնդում է երկրի մրցունակությունը, և կառավարության նպատակն է վերջնական արդյունքում «Միջին միջանցքը» վերածել տարածաշրջանի ամենահուսալի և անվտանգ միջանցքի, հայտարարել է Վրաստանի վարչապետ Իրակլի Կոբախիձեն երկաթուղու արդիականացման նախագծի ավարտին նվիրված միջոցառման ժամանակ իր ելույթում։
«Աշխարհն այժմ ենթարկվում է աշխարհաքաղաքական և տնտեսական վերափոխման։ Մատակարարման շղթաները փոխվում են, և անվտանգ, կանխատեսելի և հուսալի տրանսպորտային ուղիների կարևորությունը մեծանում է։ Այս համատեքստում Վրաստանի դերը պետք է ամրապնդվի մտածված և ռազմավարական որոշումների միջոցով», - նշել է Վրաստանի վարչապետը։
Նրա խոսքով՝ Վրաստանի կառավարության նախաձեռնությունները, Անակլիայի նավահանգիստը, Արևելք-Արևմուտք երկաթուղու և ճանապարհային ենթակառուցվածքների արդիականացումն այս քաղաքականության արտահայտությունն են։
«Մեր ապագան միջմոդալ տարանցիկ տրանսպորտի մեջ է, որը կմիավորի տրանսպորտի բոլոր տեսակները մեկ էկոհամակարգի մեջ։ Այս համատեքստում կարևոր է նաև լոգիստիկ գործընթացների թվայնացումը, որն այժմ ընթացքի մեջ է», - ընդգծել է նա։
Կոբախիձեի խոսքով՝ «Միջին միջանցքը» ոչ միայն այլընտրանքային երթուղի է, այլև Եվրոպայի և Ասիայի միջև հաղորդակցության նոր չափանիշ։
«Երկաթուղու արդիականացումն այս հայեցակարգի մի մասն է։ Այն ամրապնդում է մեր մրցունակությունը, մեծացնում տարանցիկ ներուժը և ստեղծում ամուր հիմք աճող առևտրային հոսքերը սպասարկելու համար, որոնք առաջիկա տարիներին ավելի կաճեն Եվրոպայի և Ասիայի միջև։ Մեր կառավարության նպատակն է վերջնականապես «Միջին միջանցքը» վերածել տարածաշրջանի ամենահուսալի, անվտանգ և արդյունավետ միջանցքի», - եզրափակեց Կոբախիձեն։
Մեծ հավանականությամբ Ադրբեջանը Հայաստան է ուղարկել երրորդ երկրի ծագում ունեցող բենզին․ Վահե Դավթյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
Ինչպես և ակնկալում էի` ՀԷՑ-ի մեջ մտնելուն պես կառավարությունը որոշում է մտնել քաղաքացու գրպանը
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
Դեկտեմբերի 28-ին Նիկոլ Փաշինյանն անձամբ կգրոհի Մայր Աթոռը
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց