Հայաստանը նշանակալի հաջողություններ է գրանցել ՄԱԿ-ի մի շարք մարմիններում․ ԱԳՆ-ն ամփոփում է տարին

ՀՀ ԱԳՆ-ն ամփոփել է 2025 թվականը․

«Հայաստանն անկախությունից ի վեր առաջին անգամ ընտրվել է ՅՈՒՆԵՍԿՕ-ի Համաշխարհային ժառանգության կոմիտեի անդամ (2025-2029թթ.),

Առողջապահության համաշխարհային կազմակերպության Ծխախոտի դեմ պայքարի շրջանակային կոնվենցիայի կողմերի 11-րդ համաժողովի ընթացքում Հայաստանն ընտրվել է հաջորդ (2027թ.) Համաժողովը (COP12-ը) հյուրընկալող երկիր։

Հայաստանը նշանակալի հաջողություններ է գրանցել նաև այլ՝ թվով 17 կառույցներում, ՄԱԿ-ի մի շարք մարմիններում ու մասնագիտացված գործակալություններում.

ՄԱԿ Տնտեսական և Սոցիալական Խորհրդի (ՏնտՍոցԽորհ) փոխնախագահ 2026թ. համար,

ՄԱԿ Ծրագավորման և համակարգման հանձնաժողովի 65-րդ նստաշրջանի նախագահող,

ՄԱԿ Թմրամիջոցների հարցերով հանձնաժողովի 68-րդ նստաշրջանի փոխնախագահ և Բոլորի կոմիտեի նախագահող,

ՄԱԿ Թմրամիջոցների հարցերով հանձնաժողովի 69-րդ նստաշրջանի նախագահ,

Ատոմային էներգիայի միջազգային գործակալության կառավարիչների խորհրդի 2025թ. համար փոխնախագահ,

Զարգացմանն ուղղված ֆինանսավորման 4-րդ միջազգային համաժողովի փոխնախագահ,

ՄԱԿ Օվկիանոսների հարցերով 2025թ․ համաժողովի փոխնախագահ,

ՅՈՒՆԵՍԿՕ-ի գլխավոր կոնֆերանսի 43-րդ նստաշրջանի փոխնախագահ,

ՅՈՒՆԵՍԿՕ-ի Մշակութային ինքնարտահայտման բազմազանության պահպանման և խրախուսման հարցերով միջկառավարական կոմիտեի փոխնախագահ,

ՅՈՒՆԵՍԿՕ-ի Զինված ընդհարման դեպքում մշակութային արժեքների պաշտպանության հարցերով կոմիտեի փոխնախագահ,

ՄԱԿ Զարգացման ծրագրի, ՄԱԿ Բնակչության հիմնադրամի և ՄԱԿ Ծրագրերի ծառայությունների գրասենյակի միասնական գործադիր խորհրդի անդամ 2026-2028 թթ. համար,

Համավարակների հիմնադրամի կառավարման խորհրդի եվրոպական համաներդրողների ղեկավար 2025-2026թթ. համար,

ՅՈՒՆԵՍԿՕ-ի Մշակութային ինքնարտահայտման բազմազանության պահպանման և խրախուսման հարցերով միջկառավարական կոմիտեի անդամ 2025-2029թթ. համար,

Մտավոր սեփականության համաշխարհային կազմակերպության Ծրագրային և բյուջետային կոմիտեի անդամ 2025-2027թթ. համար,

Մտավոր սեփականության համաշխարհային կազմակերպության Համակարգման կոմիտեի անդամ 2025-2027թթ. համար,

ՄԱԿ խաղաղաշինության հանձնաժողովի կազմակերպչական կոմիտեի անդամ 2026թ. համար,

Քիմիական զենքերի արգելման կոնվենցիայի մասնակից պետությունների 30-րդ համաժողովի Ընդհանուր հարցերով կոմիտեի նախագահ»։