Այն, ինչ տեղի է ունենում, պարզապես իրավական գործընթաց չէ
AMSTERDAM & PARTNERS ՄԱՄՈՒԼԻ ՀԱՂՈՐԴԱԳՐՈՒԹՅՈՒՆ ԱՆՀԱՊԱՂ ՏԱՐԱԾՄԱՆ ՀԱՄԱՐ
AMSTERDAM & PARTNERS LLP-Ն ՈՂՋՈՒՆՈՒՄ Է ՍԱՄՎԵԼ ԿԱՐԱՊԵՏՅԱՆԻՆ ՏՆԱՅԻՆ ԿԱԼԱՆՔԻ ՓՈԽԱԴՐԵԼՈՒ ՈՐՈՇՈՒՄԸ. ԶԳՈՒՇԱՑՆՈՒՄ Է, ՈՐ ՀԱՅԱՍՏԱՆՈՒՄ ԿՐՈՆԱԿԱՆ ԱԶԱՏՈՒԹՅԱՆ ԴԵՄ ՈՏՆՁԳՈՒԹՅՈՒՆՆԵՐԸ ՇԱՐՈՒՆԱԿՎՈՒՄ ԵՆ
Լոնդոն, 31 դեկտեմբեր, 2025թ. – Amsterdam & Partners ՍՊԸ-ն, հանդես գալով որպես հայ գործարար, բարերար և Հայ Առաքելական Եկեղեցու նվիրյալ Սամվել Կարապետյանի միջազգային պաշտպան, ողջունում է պարոն Կարապետյանի բանտային կալանքը տնային կալանքով փոխարինելու որոշումը, ինչը նրան հնարավորություն կտա տոնական օրերն անցկացնել ընտանիքի հետ:
Սա նշանակալի քայլ է ընթացող իրավական գործընթացում: Այս որոշումը հաջորդում է ամիսներ տևած հետևողական իրավական ջանքերին և պարոն Կարապետյանի գործի վերաբերյալ թե՛ հայաստանյան, թե՛ միջազգային դիտորդների կողմից արտահայտված լուրջ մտահոգություններին:
Այնուամենայնիվ, պետք է ընդգծել, որ պարոն Կարապետյանը շարունակում է մնալ կալանքի տակ և ենթարկվել խիստ սահմանափակումների, իսկ հիմնական մեղադրանքները մնում են ուժի մեջ: Ներկայիս զարգացումը միայն մեկ դրվագ է Հայաստանի իշխանությունների կողմից իրականացվող շատ ավելի լայն և խորապես մտահոգիչ արշավի մեջ, որը դուրս է գալիս պարոն Կարապետյանի անձնական գործի շրջանակներից և թիրախավորում է ամբողջությամբ Հայ Առաքելական Եկեղեցին։
Ռոբերտ Ամստերդամը՝ Amsterdam & Partners LLP-ի հիմնադիր և կառավարող գործընկերը, հայտարարել է.
«Այն, ինչ տեղի է ունենում, պարզապես իրավական գործընթաց չէ, այլ նաև վարչապետ Փաշինյանի վարչակազմի ուղղակի հարձակումը Քրիստոսի և հենց կրոնական ազատության դեմ: Հայ Առաքելական Եկեղեցին պետք է զերծ մնա քաղաքական ճնշումներից և պետական միջամտությունից: Պարոն Կարապետյանի դեմ ներկայացված աբսուրդային և շինծու մեղադրանքները պետք է ամբողջությամբ հանվեն: Բոլոր քրիստոնյա կալանավորները պետք է անհապաղ վերադառնան տուն: Հայաստանին պետք է թույլ տրվի վերադառնալ իր պատմական ուղուն, որը խարսխված է հավատի, արժանապատվության, ինքնիշխանության և օրենքի գերակայության վրա»:
Amsterdam & Partners ՍՊԸ-ն, որը պատիվ է ունեցել միանալ հայաստանյան հիանալի պաշտպանական թիմին, կշարունակի գործադրել բոլոր ջանքերը՝ արդարության լիակատար վերականգնմանն հասնելու համար:
Amsterdam & Partners LLP-ն միջազգային իրավաբանական ընկերություն է, որը գտնվում է Լոնդոնում և Վաշինգտոնում. այն մասնագիտացած է քաղաքական շահերի պաշտպանության և մարդու իրավունքների ոլորտում:
• Գործի մասին հավելյալ տեղեկությունների համար այցելեք՝ www.freekarapetyan.com
• Ընկերության մասին տեղեկությունների համար՝ www.amsterdamandpartners.com
• Լրատվամիջոցների հարցումները կարող են ուղղվել՝ [email protected]
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Ֆինանսական նոր հմտություններ Դավիթբեկյան խաղերում․ Idram&IDBank
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Հունձն այլևս խնդիր չէ. Ստեփանավանն ու հարակից բնակավայրերը կունենան նոր և ժամանակակից գյուղտեխնիկա, ...
Իշխանությունները պետք է բացատրեն, թե ինչու են պատրաստվում մեկ տարվա ընթացքում հանձնել Տիգրանաշենը. Ա...
Ընդդիմության դժգոհությունները փողոցում պետք է լինեն կազմակերպված և ճիշտ ուղղորդված. Աննա Կոստանյան