Հայաստանի գործող իշխանությունները կորցրել են իրականության հետ կապը
Հայաստանի գործող իշխանությունները կորցրել են իրականության հետ կապը։ 2018 թվականի իշխանափոխության շնորհիվ իշխանության եկած Փաշինյանը, նրա թիմը հանրությանը բազմաթիվ խոստումներ էին տալիս, առաջին հերթին խոստանում փոփոխել երկրի կառավարման արժեքային համակարգը։ Յոթ տարի անց կարելի է ասել, որ Փաշինյանն ու իր թիմը ոչ միայն կրկնապատկել են նախկինների բոլոր արատավոր բարքերը, այլև ընդհանրապես կորցրել իրականության հետ կապը։
Կառավարության երեկվա նիստում որոշում ընդունվեց փոխել Փաշինյանին սպասարկող ծառայողական մեքենայի համարանիշները։ Կարծես Հայաստանում որևէ այլ խնդիր չկար, մնացել էր միայն նրա «Մերսեդեսի» համարանիշների փոփոխությունը։ Փաշինյանին սպասարկող մեքենայի համարանիշը բաղկացած է եռագույնից և 001 ՍՍ հինգ նշաններից։
Ներքին գործերի նախարարությունը պնդում է, թե նոր փոփոխությամբ համարանիշը պետք է բաղկացած լինի եռագույնից և 1 թվից։ Փաշինյանը լրագրողների հետ ճեպազրույցում հայտարարել է. «Համարանիշի փոփոխությունը տեղի է ունեցել հետևյալ տրամաբանությամբ, որ որոշակի ինդիկացիա է եղել, որ գործող համարանիշի վրա գտնվող ՍՍ տառերը արձանագրվել է որպես Սերժ Սարգսյանի անվան սկզբնատառեր։ Մենք կարծում ենք, որ այդ համարանիշը չպետք է որևէ մեկի անվանատառը լինի»։
Այն, որ Փաշինյանն ակնհայտորեն ստում է, պարզվեց ընդամենը րոպեներ հետո։ Մարդիկ դեռևս Լևոն Տեր Պետրոսյանի օրոք արված լուսանկարներն էին տարածում, նշելով, որ նույնիսկ Սերժ Սարգսյանից առաջ նախկին երկու նախագահների մեքենաների համարների վրա եղել են այդ տառերը։ Խնդիրը, սակայն, ամենևին էլ տառերը չեն, այլ արժեքային այն կողմնորոշիչները, որ փաշինյանական իշխանությունը փորձում է ներդրել հասարակության մեջ։ Այս իշխանությունը ոչնչով լավը չէի նախորդներից, ավելին, շատ հարցերում, այդ թվում, հակաօրինական և հակաբարոյական գործողություններով գերազանցել է բոլորին, և այժմ անսահման ցինիզմով փորձում են արդարացնել իրենց բոլոր արարքները։ Ինչ-որ պահի, իհարկե, Փաշինյանը կորցնելու է իր իշխանությունը, քանի որ վաղուց այլևս չունի բավարար ռեյտինգ հասարակության մեջ՝ վերարտադրվելու համար, և ընդդիմության ճիշտ աշխատանքի դեպքում վաղ թե ուշ նա և իր թիմը կանգնելու են պատասխան տալու անհրաժեշտության առջև։
Մարգարիտա Մարտիրոսյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Ֆինանսական նոր հմտություններ Դավիթբեկյան խաղերում․ Idram&IDBank
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Հունձն այլևս խնդիր չէ. Ստեփանավանն ու հարակից բնակավայրերը կունենան նոր և ժամանակակից գյուղտեխնիկա, ...
Իշխանությունները պետք է բացատրեն, թե ինչու են պատրաստվում մեկ տարվա ընթացքում հանձնել Տիգրանաշենը. Ա...
Ընդդիմության դժգոհությունները փողոցում պետք է լինեն կազմակերպված և ճիշտ ուղղորդված. Աննա Կոստանյան