ՀՅԴ-ն կգնա դաշինքով. արդարացված մարտավարական քայլ
ՀՅԴ-ն 2026 թվականին կայանալիք ընտրություններին կմասնակցի դաշինքային ձևաչափով։ ՀՅԴ ԳՄ ներկայացուցիչ Իշխան Սաղաթելյանը Հայաստանի կազմակերպության 29-րդ (արտահերթ) Գերագույն ժողովից հետո հայտարարել է, թե դաշինքի ուղղությամբ քննարկումներ, բանակցություններ են սկսելու առաջիկայում։ Առաջնային քննարկումը «Հայաստան» դաշինքի գործընկերների հետ են լինելու։
«Հավակնում ենք հենց այս դաշինքն ընդլայնել», – ասել է ընդդիմադիր պատգամավորը՝ հավելելով, որ խորհրդարանական ընտրություններին մասնակցելու են Փաշինյանի վարչախմբին հեռացնելու նպատակով։ Հարցին, թե արդյոք դաշինքը ղեկավարելու է երկրորդ նախագահ Ռոբերտ Քոչարյանը, Սաղաթելյանն ասել է՝ դեռ հայտնի չէ, վերջնական որոշում չունեն։ Մարտավարական առումով ՀՅԴ այս քայլն արդարացված է։ Հավաքական ընդդիմությունն ավելի շատ ձայն ունի, քան Նիկոլ Փաշինյանը, հետևաբար անհրաժեշտ է, որ ընդդիմությունն ընտրություններին մասնակցի դաշինքների ֆորմատով։
Միևնույն ժամանակ միամտություն կլինի կարծելը, թե բոլոր ընդդիմադիր ուժերը կարող են ներգրավվել մեկ դաշինքի կազմում։ Ավելին, մեկ խոշոր դաշինքը կարող է խնդիրներ ունենալ։ Փոխարենը պետք է տարբեր դաշինքներ ստեղծել, որոնց կհաջողվի հաղթահարել խորհրդարան անցնելու շեմը։ Իսկ արդեն խորհրդարանում իրականացնել ՔՊ իշխանազրկման սցենարը։
Մի քանի դաշինքների մասնակցությունը թույլ կտա չփոշիացնել ընդդիմադիր ձայները։ Գործող իշխանությունները, բնականաբար, բազմաթիվ կեղծ ուժերի են ներգրավելու ընտրություններում՝ խառնաշփոթ առաջացնելու, ձայները փոշիացնելու համար։ Հենց սա է լինելու ՔՊ առաջնային մարտավարությունը, և դրա դեմ պետք է առնել հնարավորինս խելացի քայլերով։ Հակառակ պարագայում Փաշինյանին կրկին կհաջողվի զավթել իշխանությունը։
Սոնա Ասրյան
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
ԱՄՆ-ն Եվրոպայից տեղափոխել է Patriot հակահրթիռային համակարգերը Մերձավոր Արևելք
«Փակ վիճակում են բերել, դա ինձ տանջում է մինչ օրս. գոնե վերջին անգամ համբուրեի, ասեի գնաս բարով, իմ ...
Երբ նայում ես «խաղաղության» կոնտեքստին, հասկանում ես, որ Մեծ Եղեռնը վերջին «եթերաշրջանը» կունենա