Ավարտվել է Հայաստանի շախմատի տղամարդկանց 86-րդ և կանանց 81-րդ առաջնությունների երկրորդ խաղափուլը

Ավարտվել է Հայաստանի շախմատի տղամարդկանց 86-րդ և կանանց 81-րդ առաջնությունների երկրորդ խաղափուլը: Այս մասին հայտնում է Հայաստանի Շախմատի ֆեդերացիան:

Տղամարդկանց առաջնությունում հաղթանակ են տարել տարան Մանուէլ Պետրոսյանը, Զավեն Անդրիասյանը, Արսեն Դավթյանը և Սարգիս Սարգսյանը:

Միակ ոչ-ոքին գրանցվել է Կարեն Գրիգորյան – Էմին Օհանյան խաղում:

Տղամարդկանց առաջնությունում երկրորդ խաղափուլից հետո առաջատարներն են Զավեն Անդրիասյանը, Մանուէլ Պետրոսյանը և Էմին Օհանյանը, ովքեր ունեն 1.5 միավոր:

Կանանց առաջնությունում հաղթել են Անահիտ Մկրտչյանը և Աստղիկ Հակոբյանը:

Աննա Խաչատրյան – Նվարդ Հայրապետյան, Անգելինա Միրաքյան – Անի Ավետիսյան և Մարիամ Ավետիսյան – Սոնա Կրկյաշարյան խաղերն ավարտվել են ոչ-ոքի արդյունքով:

Կանանց առաջնությունում երկրորդ խաղափուլից հետո առաջատարներն են Անահիտ Մկրտչյանը և Աստղիկ Հակոբյանը, ովքեր ունեն 2 միավոր:

Անի Ավետիսյանը և Աննա Խաչատրյանը ունեն 1.5 միավոր։

Երրորդ խաղափուլը կմեկնարկի հունվարի 15-ին՝ ժամը 15:00-ին: