Ռուսաստանը երկրից վտարում է որպես դիվանագետ ներկայացած բրիտանական հետախուզության աշխատակցին
Ռուսաստանի Անվտանգության դաշնային ծառայությունը (ԱԴԾ) բացահայտել է բրիտանական հետախուզության չգրանցված աշխատակցի, որը գաղտնի աշխատել է Մոսկվայում Մեծ Բրիտանիայի դեսպանատանը։ Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, ԱԴԾ-ի հասարակայնության հետ կապերի կենտրոնից հայտնել են, որ նրա հավատարմագրումը չեղյալ է հայտարարվել, և նա երկու շաբաթվա ընթացքում պետք է լքի Ռուսաստանը ։
Մասնավորապես, ծառայությունը պարզել է, որ Գարեթ Սամուել Դեյվիսը, ծնված 1980 թվականի օգոստոսի 8-ին, Ռուսաստան է ուղարկվել Մոսկվայում Մեծ Բրիտանիայի դեսպանատան վարչական և տնտեսական բաժնի երկրորդ քարտուղարի պաշտոնի քողի ներքո, մինչդեռ եղել է բրիտանական հետախուզության աշխատակից։«Այս հիմքով Ռուսաստանի արտաքին գործերի նախարարությունը, համագործակցելով համապատասխան գերատեսչությունների հետ, որոշել է չեղյալ համարել Գարեթ Սամուել Դեյվիսի հավատարմագրումը։ Բրիտանացուն հանձնարարվել է լքել Ռուսաստանը երկու շաբաթվա ընթացքում», – ասվում է հայտարարության մեջ։Կատարվածի առնչությամբ Ռուսաստանի արտաքին գործերի նախարարությունը խիստ բողոք է ներկայացրել Մեծ Բրիտանիայի գործերի ժամանակավոր հավատարմատարին՝ նշելով, որ իրենք չեն հանդուրժի բրիտանական հետախուզության չգրանցված աշխատակիցների գործունեությունը երկրի տարածքում։
Եկեղեցին վերականգնվել է իր սկզբնական ճարտարապետական ոճին համապատասխան․ Հիքմեթ Հաջիևը տեսանյութ է հրա...
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Տարադրամի փոխարժեքները մայիսի 2-ին
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Երևանյան գագաթնաժողով. Թուրքիայի փոխնախագահի հանդիպումների և հռետորաբանության հետագիծը․ Գեղամյան
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Ջուր չի լինի՝ մայիսի 4-ին. հասցեներ
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
Արցախցի գործարարը, որին հյուրընկալվեց Փաշինյանը, առնչվում է փողերի լվացման գործին. «Ժողովուրդ»
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր