3 մլն դոլար յուրացնելու համար մեղադրանք է առաջադրվել Զելենսկիի աշխատակազմի ղեկավարի նախկին տեղակալին
Ուկրաինայի Ազգային հակակոռուպցիոն բյուրոն հայտարարել է յուրացման և փողերի լվացման մեղադրանքներով նախագահ Վոլոդիմիր Զելենսկիի աշխատակազմի ղեկավարի նախկին տեղակալ Ռոստիսլավ Շուրմայի դեմ մեղադրանք առաջադելու մասին։ Ինչպես հաղորդում է «Արմենպրես»-ը, այս մասին հայտնում է The Kyiv Independent պարբերականը՝ նշելով, որ Շուրման չի արձագանքել տեղեկությունը մեկնաբանելու խնդրանքին։
Ազգային հակակոռուպցիոն բյուրոյի տվյալներով՝ գործի շրջանակում մեղադրանք է առաջադրվել ինը կասկածյալի։ Նրանց շարքում է նաև Շուրմայի եղբայրը՝ Օլեհը, ով Զապորոժիեի էներգետիկ ընկերության համասեփականատերն է։
Շուրմա եղբայրները 2019-ից 2020 թվականներին Զապորոժիեի մարզում էներգետիկ ընկերություններ են ձեռք բերել և այնտեղ արևային էլեկտրակայաններ են կառուցել։ Հետագայում նրանք գումարներ են ստացել կառավարությունից՝ էլեկտրաէներգիա արտադրելու նպատակով, սակայն Ռուսաստանի կողմից Ուկրաինայի դեմ սկսված ռազմական գործողություններից հետո այն տարածքները, որտեղ տեղակայված են էլեկտրակայանները, գրավվել են, հետևաբար հնարավոր չի եղել արտադրել ու մատակարարել էլեկտրաէներգիա։ Այդուհանդերձ, նրանց ընկերությունները շարունակել են հատկացումներ ստանալ Ուկրաինայի կառավարությունից։
Կասկածյալներն ընդհանուր առմամբ մեղադրվում են 3.28 միլիոն դոլար յուրացնելու մեջ։
Ռոստիսլավ Շուրման զբաղեցրել է Ուկրաինայի նախագահի աշխատակազմի ղեկավարի տեղակալի պաշտոնը 2021-2024 թվականների ընթացքում։
Ներկայում թե՛ Ռոստիսլավ Շուրման, թե՛ նրա եղբայրը բնակվում են արտերկրում։
Իշխանափոխությունից հետո նախաձեռնելու եմ համաժողովրդական դրամահավաք՝ Նիկոլի բնակարանը գնելու համար
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
Հրազդանում հայտնի «Ծովինար» ջրամբարից 4-րդ օրը ջրասուզակը հայտնաբերեց ջրահեղձ եղած կնոջ մարմինը
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
Սյունիքի համայնքապետերը՝ կադրից դուրս. «Ժողովուրդ»