Թրամփի երկիմաստ գրառումը. Զենք՝ Ադրբեջանին, էներգիա՝ Հայաստանին
Միացյալ Նահանգների նախագահ Դոնալդ Թրամփը գրել է, թե փոխնախագահ Ջեյ Դի Վենսը փետրվարին կայցելի Հայաստան և Ադրբեջան՝ առաջ մղելու Թրամփի ուղին՝ միջազգային խաղաղության և բարգավաճման համար։ Դավոսում հանդիպում ունենալով միայն Ադրբեջանի նախագահ Իլհամ Ալիևի հետ՝ Թրամփն այժմ էլ շնորհակալություն է հայտնել Ադրբեջանի նախագահին ու Հայաստանի վարչապետին՝ օգոստոսի 8-ին ստորագրված խաղաղության համաձայնագիրը պահպանելու համար։
«Մենք կխորացնենք մեր ռազմավարական գործընկերությունը Ադրբեջանի հետ, կկնքենք խաղաղ միջուկային համագործակցության հիանալի համաձայնագիր Հայաստանի հետ, պայմանագրեր՝ մեր մեծ կիսահաղորդչային արտադրողների համար, ինչպես նաև կվաճառենք ԱՄՆ-ում արտադրված պաշտպանական սարքավորումներ, ինչպիսիք են զրահաբաճկոնները և նավակները, և ավելին՝ Ադրբեջանին»,– գրել է ԱՄՆ նախագահը, և նրա այս մեկ տողը լիովին բացահայտում է Միացյալ Նահանգների իրական նպատակները։
Ռազմական սպառազինություն վաճառելով միայն Ադրբեջանին՝ Թրամփը պարզապես տնտեսական կախվածության մեջ է գցում Հայաստանին։ Հիշեցնենք՝ ավելի վաղ հայտնի է դարձել Հայաստանում կես միլիարդ դոլար ներդնելու մասին՝ NVIDIA-ի գործարան կառուցելու նպատակով։ «Խաղաղ միջուկային համագործակցության հիանալի համաձայնագիրն» էլ, որի մասին նշում է ԱՄՆ նախագահը, ըստ ամենայնի, մոդուլային ատոմակայաններին է վերաբերում։ Հայաստանի իշխանությունները վաղուց նպատակ ունեն Հայաստանում նոր ատոմակայան կառուցել և հայտարարել էին, որ բանակցություններ են վարում մի քանի երկրների, այդ թվում՝ Ռուսաստանի հետ։
Ըստ ամենայնի, Վենսը հենց Հայաստանում փորձելու է կանխել ռուսական ատոմակայան կառուցելու հնարավորությունը՝ Հայաստանին նոր պայմանագիր պարտադրելով։ Ամեն կերպ ուժեղացնելով Ադրբեջանին ռազմական առումով, Հայաստանին էլ տնտեսական կախվածության մեջ գցելով՝ Միացյալ Նահանգները պարզապես նոր դավադրություն է ձևակերպում՝ պարզ ասած, Հայաստանին դարձնելով Թուրքիայի և Ադրբեջանի կցորդը։ Իհարկե, գործող իշխանությունները՝ Նիկոլ Փաշինյանի գլխավորությամբ, հրաշալի հասկանում են այս հանգամանքը։
Բայց և սեփական իշխանությունը պահպանելու մոլուցքով տառապելով՝ ամեն ինչ անում են ամերիկյան կողմի ցանկություններն իրականություն դարձնելու համար, իսկ թե ինչ հետևանքներ դա կունենա Հայաստանի համար, որևէ մեկին փաշինյանական իշխանությունից չի հետաքրքրում։
Աննա Մարգարյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Իշխանությունները պետք է բացատրեն, թե ինչու են պատրաստվում մեկ տարվա ընթացքում հանձնել Տիգրանաշենը. Ա...
Ռոբերտ Ամստերդամը` ԿԸՀ-ի այսօրվա որոշման մասին
Ավետիք Չալաբյանին զրկել են նաև ընտանիքին տեսնելու իրավունքից․ Մենուա Սողոմոնյան
Հունձն այլևս խնդիր չէ. Ստեփանավանն ու հարակից բնակավայրերը կունենան նոր և ժամանակակից գյուղտեխնիկա, ...