«Մանչեսթեր Յունայթեդը» 3:2 հաշվով հաղթել է առաջնության առաջատար «Արսենալին»

Անգլիայի Պրեմիեր լիգայի 23-րդ տուրում «Մանչեսթեր Յունայթեդը» Լոնդոնում դիտարժան պայքարում 3:2 հաշվով հաղթանակ տարավ առաջնության առաջատար «Արսենալի» նկատմամբ։

​Հյուրերի կազմում գոլերով աչքի ընկան Բրայան Մբեմոն և Պատրիկ Դորգուն։ Հաղթական գնդակը հանդիպման ավարտին՝ 87-րդ րոպեին, խփեց Մատեուս Կունյան։

​Տանտերերի կազմում գոլի հեղինակ դարձավ Միկել Մերինոն, իսկ «Յունայթեդի» պաշտպան Լիսանդրո Մարտինեսը գրավեց սեփական դարպասը։

​Սա մանկունիացիների երկրորդ անընդմեջ հաղթանակն էր նոր գլխավոր մարզի՝ Մայքլ Քերիկի գլխավորությամբ (հունվարի 17-ին թիմը 2:0 հաշվով հաղթել էր «Մանչեսթեր Սիթիին»):

Այս հաղթանակի շնորհիվ «Մանչեսթեր Յունայթեդը» վաստակեց 38 միավոր և բարձրացավ մրցաշարային աղյուսակի 4-րդ հորիզոնական։ «Արսենալը», չնայած պարտությանը, 50 միավորով շարունակում է գլխավորել աղյուսակը։