Փաշինյանի զգուշացումը Հայկ Սարգսյանին
Օրեր առաջ, վկայակոչելով մեր աղբյուրները, հայտնել էինք, որ Նիկոլ Փաշինյանը մտմտում է որոշ կուսակիցների դեմ քրեական վարույթներ հարուցելու մասին՝ նրանց պատժելու համար։ Ընդ որում, հատուկ նշել էինք, որ առաջինն այդ հերթում «Շիշ բռնող» մականունով պատգամավոր Հայկ Սարգսյանն է։
Արդեն երեկ կառավարության նիստերից հետո կայացած ճեպազրույցում Փաշինյանը խոսել է իր երկու կուսակիցների մասին, որոնց արգելել են ընդգրկվել ընտրական ցուցակում։ Ընդ որում, եթե առողջապահության հանձնաժողովի նախագահի պաշտոնից հեռացված Հռիփսիմե Հունանյանի պարագայում Փաշինյանը դեռևս ինչ-որ դրական վերափոխումներ ունի և նրան իրենց թիմակից է համարում, ապա, խոսելով «Շիշ բռնողի» մասին, Փաշինյանը ակնհայտորեն ցույց է տվել, որ վերջինիս նկատմամբ չափազանց վատ է տրամադրված։
Փաշինյանը, մասնավորապես, նշել է. «Այս հարցը մի քանի անգամ քննարկվել է «Քաղաքացիական պայմանագիր» կուսակցության վարչության շրջանակում։ Ես չեմ կարծում, որ նրա շահերից է բխում այս քննարկումը հրապարակային դարձնելը։ Մի քանի ամիս առաջ նրան խիստ նկատողություն էր արվել կոնկրետ պատճառով։ «Քաղաքացիական պայմանագիր» կուսակցությունը չի հանդուրժելու կոռուպցիայի որևէ դրսևորում, այդ թվում՝ իր անդամների կողմից»։
Փաստացի Նիկոլ Փաշինյանը բացահայտում է, որ Հայկ Սարգսյանը ներգրավված է եղել կոռուպցիոն դրսևորումներում, և այդ փաստը բացահայտել են հենց կուսակցությունում։ Մի կողմից տարօրինակ է, որ համակարգային կոռուպցիան արմատախիլ անելու մասին հայտարարող Փաշինյանը «Շիշ բռնողի» կոռուպցիոն գործարքների մասին տեղեկությունը չի փոխանցում իրավապահներին։ Մյուս կողմից էլ, հիշեցնենք, Փաշինյանը սովորաբար նման փաստերն օգտագործում է ընդամենը որպես կոմպրոմատ, իսկ այս դեպքում նաև փորձում է կանխել Հայկ Սարգսյանի քաղաքական ակտիվությունը։
Վերջինս տարբեր հայտնի անձանց և իր երկվորյակ եղբոր՝ Փաշինյանի նախկին օգնական Նաիրի Սարգսյանի հետ սոցիալական և բարեգործական ծրագրեր է իրականացնում՝ ակնհայտորեն քաղաքական նկրտումներ դրսևորելով։ Եվ քանի որ Հայկ և Նաիրի Սարգսյանները, ինչպես նաև նրանց հայրը՝ Զարեհ Սարգսյանը, բավական շատ բան գիտեն Նիկոլ Փաշինյանի մասին, փաստացի Փաշինյանը զգուշացնում է, որ իր դեմ դուրս գալու դեպքում խնդիրներ կունենան։
Մարիամ Գալստյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Բեյջի թելերից ավելի ուշագրով գնումներ էլ են եղել
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
Հանրային ակտիվության հետևանքը. «Փաստ»