Հայաստանը լրացուցիչ աջակցություն է խնդրում ԵՄ-ից
Հայաստանի արտգործնախարար Արարատ Միրզոյանը հանդիպել է ԵՄ ընդլայնման հարցերով հանձնակատար Մարթա Կոսի հետ, հայտնում է ՀՀ ԱԳՆ-ը։ Միրզոյանն ու Կոսը քննարկել են Հայաստանի և Ադրբեջանի միջև հաստատված խաղաղության պայմաններում փոխկապակցվածության և ենթակառուցվածքների զարգացման ուղղությամբ իրականացվող ծրագրերը, ինչպես նաև խաղաղության հետագա ինստիտուցիոնալիզացմանն ուղղված այլ քայլեր։ Նրանք անդրադարձել են նաև նախորդ տարվա դեկտեմբերին ընդունված ՀՀ–ԵՄ ռազմավարական օրակարգի իրականացմանը վերաբերող հարցերի լայն շրջանակի։
Քննարկվել են նաև մայիսին Երևանում կայանալիք ՀՀ–ԵՄ գագաթաժողովի, ինչպես նաև առաջիկայում նախատեսվող բարձրաստիճան այցերի օրակարգային հարցերը։ Սեպտեմբերին՝ հանդիպելով նույն Մարթա Կոսի և Եվրամիության արտաքին հարցերով հանձնակատար Կայա Կալասի հետ, Արարատ Միրզոյանը կարողացել էր Եվրամիությունից ստանալ 15 միլիոն եվրո՝ Հայաստանում հիբրիդային սպառնալիքների դեմ պայքարի համար։ Եվ այժմ գործող իշխանությունները նոր աջակցության են սպասում Եվրամիությունից՝ հակառուսականության խարույկը թեժացնելու նպատակով։
Դեկտեմբերին Մարթա Կոսը հայտարարել էր, թե Հայաստանը գտնվում է լուրջ սպառնալիքների ներքո, իսկ «Ռուսաստանից փորձում են հիբրիդային հարձակումներով և մեդիա մանիպուլյացիաներով իրավիճակ փոխել՝ այդ նպատակով ահռելի միջոցներ տրամադրելով»։
15 միլիոն եվրոն, կարծես, քչություն է արել գործող իշխանություններին, և այժմ հավելյալ միջոցներ են պահանջում։ Թե ինչ են խոստացել Եվրամիությունից՝ հայտնի չէ, սակայն փաստ է, որ Արևմուտքը փորձելու է ամեն ինչ անել Հայաստանում իր դիրքերը ամրապնդելու, ռուսամետ համարվող քաղաքական ուժերին թուլացնելու և խորհրդարանական ընտրություններում Նիկոլ Փաշինյանի վերարտադրությունը ամեն գնով ապահովելու համար։
Մոնիկա Նիազյան
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
Իշխանությունների թիրախում են ակտիվ արցախցիները. «Հրապարակ»