Պաշտոնական․ Հրանտ-Լեոն Ռանոսը նոր ակումբ ունի
Բրաունշվեյգի «Այնտրախտը» պաշտոնապես հայտարարել է Հայաստանի ազգային հավաքականի հարձակվող Հրանտ-Լեոն Ռանոսի տեղափոխության մասին։
22-ամյա ֆուտբոլիստը գերմանական ակումբին է միացել Մյոնխենգլադբախի «Բորուսիայից»՝ վարձակալական հիմունքներով։ Պայմանագիրը նախատեսված է մինչև ընթացիկ մրցաշրջանի ավարտը։ Կողմերի միջև կնքված համաձայնագրում տրանսֆերի գնման իրավունք նախատեսված չէ։
Հայ հարձակվողն իր նոր թիմում հանդես կգա 25 համարի մարզաշապիկով։
Ռանոսը ծնվել է Գերդենում, հանդես է եկել Դորտմունդի «Բորուսիայի» և Մյունխենի «Բավարիայի» ակադեմիաներում։ 2023/24 մրցաշրջանում նա միացել է Մյոնխենգլադբախի «Բորուսիային»։ Հարձակվողը ծանոթ է Երկրորդ Բունդեսլիգային․ 2025 թվականի հունվարից հունիս նա վարձավճարով խաղացել է «Կայզերսլաուտերնի» կազմում։
Ռանոսի ակտիվում կա 19 հանդիպում Բունդեսլիգայում (1 գոլ), 5 հանդիպում՝ Երկրորդ Բունդեսլիգայում, ինչպես նաև 23 խաղ և 5 գոլ՝ Հայաստանի ազգային հավաքականի կազմում։
«Այնտրախտի» սպորտային տնօրեն Բենջամին Կեսելը նշել է․
«Հրանտ-Լեոնը շատ տաղանդավոր հարձակվող է, որն այս մրցաշրջանում արդեն հասցրել է խաղաժամանակ ստանալ Բունդեսլիգայում։ Նա խելացի, տեխնիկապես գրագետ ֆուտբոլիստ է, որը կարող է գործել ինչպես «տասը համարի» դիրքում, այնպես էլ հարձակման սրում։ Հրանտ-Լեոնը կմեծացնի մեր խաղային բազմազանությունն ու հնարավորությունները»։
Իր հերթին Հրանտ-Լեոն Ռանոսը կիսվել է տպավորություններով․
«Շատ ուրախ եմ «Այնտրախտում» նոր մարտահրավերի համար և ցանկանում եմ օգնել ակումբին հասնել այս մրցաշրջանի նպատակներին։ Ուզում եմ օգտագործել իմ ուժեղ կողմերը և միևնույն ժամանակ շարունակել զարգանալ։ Ակումբի ղեկավարներն ու մարզիչն ինձ շատ արագ համոզեցին, որ սա ճիշտ քայլ է։ Անհամբեր սպասում եմ մեկնարկին»։
«Նիկոլ Փաշինյանի խնդիրը ժամանակ շահելն է, բայց բոլոր կողմերից նրան մանևրելու տեղ չեն թողնում». «Փաստ...
ԵՊՀ-ում տիրում է խտրականություն, և աշխատանքից հեռացնում են քաղաքական հայացքների համար. Մենուա Սողոմո...
Ոչ թե չեզոքություն, այլ կեղծ հավասարակշռություն. ինչո՞ւ են եվրոպական պաշտոնյաները լեգիտիմացնում իրագ...
Ծափ տվեք. կարևորը՝ իշխանավորները ճոխ կյանքով ապրեն. «Փաստ»
Մենք կբերենք խաղաղություն՝ առանց մեր անկախությունից հրաժարվելու. Ուժեղ Հայաստան
Քաղաքականապես հասուն ազգերը երկու կարգավիճակ ունեն․ կա՛մ ունեն անկախ պետականություն, կա՛մ պայքարում ...
«Համահայկական ճակատ» շարժման առաջնորդի ուղերձը Արցախի հանձնման ու հայաթափման երրորդ տարելիցի կապակցո...
Իշխանությունը իր դիրքերը պահպանելու համար պատրաստ է գնալ ոչ օրինական քայլերի. Արեգ Սավգուլյան
Ծաղիկների խոնարհում Եռաբլուրում
Արցախցիներն իրենց տներում ապրելու լիակատար իրավունք ունեն. բայց այդ իրավունքը կյանքի կոչելու համար մ...