«Մենք Էջմիածնի հետ ենք»․ հազարավոր հայեր Եսենտուկիում՝ ի պաշտպանություն Հայ Առաքելական Եկեղեցու
Փետրվարի 1-ին Ռուսաստանի Դաշնության Եսենտուկի քաղաքում, Սուրբ Հռիփսիմե հայկական եկեղեցու տարածքում, տեղի է ունեցել «Մենք Էջմիածնի հետ ենք» խորագրով զանգվածային հանրահավաքը։
Հազարավոր հայեր Ռուսաստանի տարբեր քաղաքներից հավաքվել էին Եսենտուկիում՝ հայտնելու իրենց աջակցությունն ու հավատարմությունը Սուրբ Էջմիածնին, Հայ Առաքելական Եկեղեցուն և Ամենայն հայոց կաթողիկոս Գարեգին Երկրորդ-ին։
Հանրահավաքին մասնակցել են Եսենտուկիի Սուրբ Հռիփսիմե եկեղեցու քահանա Տեր Գյուտը, Միներալնիե Վոդիի Սուրբ Խաչ եկեղեցու քահանա Տեր Հայկազունը, Ռուս Ուղղափառ Եկեղեցու Եսենտուկիի Սուրբ Պետրոս և Պողոս եկեղեցու քահանա Հայր Վիտալի Գրիցենկոն, Եսենտուկիի հայ համայնքի ներկայացուցիչ Գրիգորի Մարտիրոսովը, Խաչակրաց ազատագրական շարժման առաջնորդ Արթուր Ասատրյանը, Արցախից տեղահանված Անուշ Ղահրամանյանը, Նոյի ժառանգորդների կազմակերպության ղեկավար և «Պյատնաշկա» միջազգային բրիգադի փոխհրամանատար Անդրեյ Առաքելյանը։
Հավաքի ընթացքում մասնակիցները պահանջել են Հայաստանի գործող իշխանություններից դադարեցնել այն քայլերը, որոնք, իրենց գնահատմամբ, ուղղված են Հայ Առաքելական Եկեղեցու, նրա հոգևոր կենտրոնի՝ Մայր Աթոռ Սուրբ Էջմիածնի և Ամենայն հայոց կաթողիկոսի վարկաբեկմանը։ Նրանց խոսքով՝ նման քաղաքականությունը հանգեցնում է ազգային պառակտման և վտանգի տակ դնում հայ ժողովրդի մշակութային և հոգևոր ինքնությունը։
Միջոցառման ընթացքում հնչել են մի շարք հստակ և ուղերձային կարգախոսներ՝ «Եկեղեցին հայ ազգային ինքնության հիմքն է», «Կաթողիկոսը եկեղեցու գլուխն է, ընտրված ժողովրդի և Աստծո կողմից», «Ամոթ այն իշխանություններին, որոնք հալածում են հոգևորականներին», «Եկեղեցու միասնությունը ժողովրդի միասնությունն է, ժողովրդի միասնությունը՝ Հայաստանի միասնությունն է»։
Եսենտուկիում կազմակերպված հանրահավաքի հիմնական գործնական քայլը ստորագրահավաքն էր՝ ի պաշտպանություն Հայ Առաքելական Եկեղեցու և նրա հոգևոր առաջնորդի՝ Ամենայն հայոց կաթողիկոս Գարեգին Երկրորդի։ Մասնակիցները բացահայտորեն մերժել են Նիկոլ Փաշինյանի կողմից տարվող հակաեկեղեցական քաղաքականությունը և պահանջել են դադարեցնել Մայր Աթոռի նկատմամբ իրականացվող, իրենց բնորոշմամբ, ապօրինի և ճնշողական գործողությունները։
Հանրահավաքի մասնակիցները շեշտել են, որ Եկեղեցին եղել և մնում է հայ ազգային ինքնության առանցքային հիմքը, իսկ Կաթողիկոսը՝ Եկեղեցու գլուխը, որն ընտրված է ժողովրդի և Աստծո կողմից։ Նրանք դատապարտել են ՀՀ գործող իշխանությունների կողմից հոգևորականների նկատմամբ իրականացվող հետապնդումները և կոչ են արել պահպանել եկեղեցու ու պետության միասնությունն այս բարդ և ճակատագրական ժամանակաշրջանում։
Եսենտուկիում տեղի ունեցած միջոցառումը ևս մեկ անգամ վկայեց, որ Ռուսաստանում հայկական սփյուռքը համախմբված է քրիստոնեական արժեքների և ազգային եկեղեցու պաշտպանության շուրջ։ Հանրահավաքը կազմակերպվել էր Հայ Առաքելական Եկեղեցու Հարավային Ռուսաստանի թեմի կողմից՝ Նոյի ժառանգորդների և Խաչակրաց ազատագրական շարժման աջակցությամբ։ Նմանատիպ միջոցառումներ ավելի վաղ անցկացվել են նաև Սոչիում, Արմավիրում և Ռուսաստանի մի շարք այլ քաղաքներում՝ ընդգծելով սփյուռքի հետևողական և համընդհանուր դիրքորոշումը։
ՔՊ-ական Հրաչյա Հակոբյանի մեքենայի պետհամարանիշներն իր անուն-ազգանվան հապավումով են. «Հրապարակ»
ԱՄՆ-ն «բանակցում է» Իրանի առաջնորդների հետ պատերազմին վերջ դնելու համար. Թրամփ
Կորոտան առաջին ամպրոպները․ Գագիկ Սուրենյանը նոր տեսանյութ է հրապարակել
«Կլինիկական մահ» ախտորոշմամբ ԲԿ է տեղափոխվել 1 տարեկան երեխա․ նրան ծեծի է ենթարկել ծնողներից մեկը
Ցեղասպանության թանգարանի տնօրենի ԺՊ-ն Ադրբեջանի հետ գաղտնի բանակցություն վարողներից է. «Հրապարակ»
Երիտասարդն ասել է՝ ինչու էր հրավառ շշեր նետել ԱԱԾ շենքի ուղղությամբ․ մանրամասներ. «Ժողովուրդ»
Երևանում օտարերկրացի կինը հարվածել է իր 3-ամյա երեխային, մահճակալից գցել հատակին և քարշ տվել
Ինչ նվերներ է ստացել Սուրեն Պապիկյանը Իրանի զոհված ՊՆ-ից
«Փակ վիճակում են բերել, դա ինձ տանջում է մինչ օրս. գոնե վերջին անգամ համբուրեի, ասեի գնաս բարով, իմ ...
Երբ նայում ես «խաղաղության» կոնտեքստին, հասկանում ես, որ Մեծ Եղեռնը վերջին «եթերաշրջանը» կունենա