Հասանովին ու Միխայլովին դուրս կգրե՞ն «Քաղպայմանագրի» ցուցակից
«Քաղաքացիական պայմանագիր» կուսակցությունն այս օրերին ներքին քվեարկություն է իրականացնում՝ պարզելու, թե առաջադրված 274 թեկնածուներից ով որ հորիզոնականում է լինելու ընտրական ցուցակում։ Ընտրությունը, բնականաբար, վերաբերում է ընտրական ցուցակի առաջին մասին։
Երկրորդ մասը, որ վերաբերում է ազգային փոքրամասնություններին, ՔՊ-ն քննարկելու մտադրություն չունի։ Ըստ ՀՀ Սահմանադրության՝ ազգային փոքրամասնությունները մեկական տեղ ունեն խորհրդարանում։ 2021 թ. արտահերթ ընտրություններով ՔՊ-ին բաժին հասան ազգային փոքրամասնություններին հատկացվող չորս տեղերից երեքը, իսկ ասորական համայնքից պատգամավոր Արսեն Միխայլովին նշանակեցին վարչապետի օգնական։
Մեր տեղեկություններով, ՔՊ-ում մտադիր են եզդիական համայնքից կրկին առաջադրել Ռուստամ Բաքոյանի, ռուսական համայնքից՝ Ալեքսեյ Սանդիկովի թեկնածությունը։ Իսկ քրդական և ասորական համայնքներից թեկնածուներին փոխել։ Քրդական համայնքից պատգամավորը Կնյազ Հասանովն էր, ով պատգամավոր է եղել նաև ՀՀԿ ցուցակով, 2018-ին էլ պատգամավոր էր դարձել ՔՊ ցուցակով։
Այժմ քրդական և ասորական համայնքներին առաջարկել են այլ, ավելի երիտասարդ թեկնածուներ առաջադրել՝ նշելով, թե կասկածներ ունեն Հասանովի ու Միխայլովի վերաբերյալ։ Արսեն Միխայլովը կշարունակի աշխատել կառավարությունում, իսկ Հասանովին տուն կուղարկեն։ ՔՊ-ն առայժմ որևէ թեկնածու չունի, սպասում է առաջարկների, բայց չի բացառվում, որ, ի վերջո, իրենք որոշեն, թե ում են գրելու ընտրական ցուցակում։
Աննա Մարգարյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
Հունձն այլևս խնդիր չէ. Ստեփանավանն ու հարակից բնակավայրերը կունենան նոր և ժամանակակից գյուղտեխնիկա, ...
«Դիմադրության օջախների կրակները մարելու համար շարունակում է իրականացնել իր ռեպրեսիվ գործունեությունը...
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան