Ադրբեջանը կոշտացնում է հռետորաբանությունը
Բաքուն երեկ կտրուկ փոխել է վերջին շրջանում որոշակիորեն մեղմացած հռետորաբանությունը՝ կրկին առաջ մղելով իր գլխավոր պահանջը։ Ադրբեջանի նախագահ Իլհամ Ալիևը France 24-ին տված հարցազրույցում հայտարարել է, թե Բաքվի և Երևանի միջև խաղաղության համաձայնագրի ստորագրման հիմնական պայմանը Հայաստանի Սահմանադրության փոփոխությունն է։
«Ադրբեջանը խաղաղության պայմանագիր կստորագրի Հայաստանի հետ անմիջապես այն բանից հետո, երբ Երևանը փոփոխություններ կկատարի իր Սահմանադրության մեջ։ Բաքուն և Երևանը արդեն խաղաղության են հասել Վաշինգտոնում համաձայնագրից անմիջապես հետո, և հարցի ձևականությունները կախված են Հայաստանից։ Որքան շուտ Սահմանադրությունը փոփոխվի և Ադրբեջանի նկատմամբ տարածքային պահանջները վերացվեն դրանից, այնքան շուտ կստորագրվի խաղաղության համաձայնագիրը»,– ասել է Ալիևը։ Ադրբեջանի նախագահը խոսել է նաև Բաքվում գտնվող հայերի մասին՝ նշելով, որ «ներում շնորհելը անհնար է»։
Օրեր առաջ Ադրբեջան այցելած ԱՄՆ փոխնախագահ Ջեյ Դի Վենսը, իր խոսնակի պնդմամբ, բարձրացրել էր Ադրբեջանում պահվող գերիների հարցը։ Ակնկալվում էր, որ Բաքվում արդեն տևական ազատազրկման դատապարտված անձանցից մի քանիսին ազատ կարձակեն, բայց Ալիևը մերժում է, ընդ որում այդ մերժումն անում է Մյունխենում Անվտանգության համաժողովի ժամանակ հարցազրույց տալով։
Օրեր առաջ Ադրբեջանի խորհրդարանում խոսում էին, թե խաղաղության պայմանագիրը կարող են կնքել մինչև ամառ, եթե ՀՀ իշխանությունները պարտավորություն վերցնեն փոփոխել Սահմանադրությունը։ Այժմ, կոշտացնելով մոտեցումները և խոսելով, որ պայմանագիրը կստորագրվի միայն հանրաքվեով նոր Սահմանադրություն ընդունելուց հետո, Ալիևը, թերևս, նոր զիջումներ է պահանջում Նիկոլ Փաշինյանից։ Հայկական կողմը դեռևս չի արձագանքել։
Մանե Կիրակոսյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
Հունձն այլևս խնդիր չէ. Ստեփանավանն ու հարակից բնակավայրերը կունենան նոր և ժամանակակից գյուղտեխնիկա, ...
«Դիմադրության օջախների կրակները մարելու համար շարունակում է իրականացնել իր ռեպրեսիվ գործունեությունը...
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան