Անողնաշարության մաստեր-կլաս Հանրային հեռուստատեսությունից
Հայաստանը ներկայացնող Կարինա Ակոպովա–Նիկիտա Ռախմանին գեղասահքի սպորտային զույգը հաղթահարել է ձմեռային 25-րդ Օլիմպիական խաղերի որակավորման փուլը։ Կարճ ծրագրում Հայաստանը ներկայացնող գեղասահորդները վաստակել են 66.27 միավոր՝ զբաղեցնելով 12-րդ հորիզոնականը և իրավունք ստացել մասնակցելու ազատ ծրագրին, որը նախատեսված է այսօր՝ փետրվարի 16-ին։ Հայաստանը ներկայացնող զույգը ելույթ ունեցավ Արա Գևորգյանի «Արցախ» ստեղծագործության ներքո, թեև ստեղծագործության անունը չգրվեց։
Ադրբեջանի Ազգային օլիմպիական կոմիտեն բողոք էր ներկայացրել Միջազգային օլիմպիական կոմիտեին Միլանում ձմեռային Օլիմպիական խաղերում Հայաստանը ներկայացնող գեղասահորդների ընտրած երաժշտության վերաբերյալ՝ պնդելով, թե այն «քաղաքականապես լարված և անջատողական է»։ Ի վերջո, որոշվել էր, որ «Արցախ» բառը չի ասվելու, նշվելու է միայն «Արա Գևորգյանի ստեղծագործություն» անվանումը։
Եթե Օլիմպիական խաղերի կազմակերպիչների մասով այս հանգամանքը դեռ հասկանալի էր, ապա Հանրային հեռուստատեսությունը երեկ անողնաշարության մաստեր-կլաս է ցուցադրել։ Հեռուստատեսության մեկնաբանն էլ, ներկայացնելով Հայաստանը ներկայացնող զույգի համարը, չի շեշտել «Արցախ» անվանումը։ Այն, որ Հանրային հեռուստատեսությունը վաղուց և հիմնովին գտնվում է իշխանական գրաքննության ներքո, որևէ մեկի համար նորություն չէ։
Բայց սովորաբար գրաքննվում է լրատվական բլոկը, իսկ զվարճալի և մարզական հաղորդումների խմբագրությունները համեմատաբար ազատ էին։ Փաստացի, փաշինյանական գրաքննությունը հասել է հանրությանը ծառայելու կոչված հեռուստաալիքի բոլոր «պուճախները», նույնիսկ մարզական մեկնաբաններին են արգելում հիշատակել «Արցախ» բառը։ Իհարկե, արժանապատվություն ունեցող մեկնաբանը գրողի ծոցը կուղարկեր իրեն նման հրահանգ տվողին՝ հրաժարվելով կատարել այսպիսի նսեմ և վիրավորական հրահանգը։ Ցավոք, Հանրային հեռուստատեսությունն էլ, նրա մեկնաբանն էլ հերթական անգամ ծակեցին ամենաստոր հատակը։
Աննա Մարգարյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
Հունձն այլևս խնդիր չէ. Ստեփանավանն ու հարակից բնակավայրերը կունենան նոր և ժամանակակից գյուղտեխնիկա, ...
«Դիմադրության օջախների կրակները մարելու համար շարունակում է իրականացնել իր ռեպրեսիվ գործունեությունը...
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան