Բաքվում դատում են ոչ միայն Ռուբենին, այլև ողջ հայ ժողովրդին․ Վարդանյանի ընտանիքի հայտարարությունը
Այսօր տեղեկացանք, որ Ռուբեն Վարդանյանը՝ սիրելի ամուսինը, հայրը, եղբայրը և պապիկը, դատապարտվել է 20 տարվա ազատազրկման։ Այս մասին հայտարարություն է տարածել Արցախի նախկին պետնախարար Ռուբեն Վարդանյանի ընտանիքը։
«Ադրբեջանի ռազմական դատարանի կողմից կայացված դատավճիռը սարսափելի է, բայց սպասելի։ Ռուբենի 874 օր առաջ առանց պատճառի կալանավորվելուց ի վեր պարզ դարձավ, որ այս դատավարության արդյունքը կանխորոշված է։ Նրա կալանքի ընթացքում նրա դեմ առաջադրված մեղադրանքներից ոչ մեկի համար որևէ ապացույց չի ներկայացվել։
Այս ընթացքում Ռուբենը զրկվել է պատշաճ դատավարության, իրական, ոչ միայն պաշտոնական, իրավաբանական ներկայացուցչության հասանելիության, միջազգային փաստաբանների հասանելիության և անկախ լրատվամիջոցների լսումներին մասնակցելու ցանկացած երաշխիքից։
Լսումները տեղի են ունեցել փակ դռների հետևում և արդար դատավարության չափանիշներին անհամատեղելի պայմաններում, ոչ միայն միջազգային իրավունքի, այլև նույնիսկ Ադրբեջանի օրենսդրության համաձայն։
Ռուբենի՝ որպես մարդասիրական, բարեգործ և սոցիալական ձեռնարկատիրոջ հեղինակությունը ոչնչացնելու փորձերին չնայած, քաղաքացիական հասարակության առաջնորդներն ու միջազգային դիտորդները մեր ընտանիքին աջակցություն են ցուցաբերել, որը մեզ ուժ և հույս է տվել։
Բոլոր նրանք, ովքեր անձամբ ճանաչում են Ռուբենին կամ շփվել են նրա հետ նրա հետ մասնագիտորեն հասկանում են իր դեմ առաջադրված մեղադրանքների անհեթեթությունն ու անհամապատասխանությունը։
Դատվում էին ոչ միայն Ռուբենը և հայ բանտարկյալները, այլև ողջ հայ ժողովուրդը։
Մենք շարունակելու ենք ձգտել Ռուբենի և քաղաքական դրդապատճառներով պահվող հայ բանտարկյալների ազատ արձակմանը, և կոչ ենք անում աշխարհի առաջնորդներին, միջազգային կազմակերպություններին և մարդու իրավունքների պաշտպանության խմբերին ձեռնարկել բոլոր անհրաժեշտ միջոցները՝ համաձայն միջազգային իրավունքի, նրանց ազատությունն ապահովելու և նրանց իրավունքները պաշտպանելու համար»։
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Մեքսիկայում ձերբակալել են թմրաբարոնի, որին բռնելու համար ԱՄՆ-ն 5 միլիոն դոլար էր խոստացել
Որպես Փաշինյանին օգնություն Ալիևն ուզում է մինչև ընտրություն գերիների մի մասին վերադարձնել. Hraparak
Երևանում՝ Ռուսաց լեզվի օրերի շրջանակներում անցկացվեց թատերական փառատոն
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
Եկեղեցում երիտասարդին հարվածած Փաշինյանի թիկնապահին արգելել են հանրային վայրերում երևալ. «Ժողովուրդ»
Թուրքիայում ԱՄՆ դեսպանը ողջունում է Հայաստան-Թուրքիա համատեղ աշխատանքային խմբի հանդիպումը
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր