Վանաձոր քաղաքում «Հայրենիք» կուսակցության նախագահ Արթուր Վանեցյանը հանդիպում ունեցավ վանաձորցի երիտասարդների հետ
Վանաձոր քաղաքում «Հայրենիք» կուսակցության նախագահ Արթուր Վանեցյանը հանդիպում ունեցավ վանաձորցի երիտասարդների հետ։ Հանդիպումը բաց և անկեղծ զրույց էր, որտեղ երիտասարդներն ազատորեն կիսվեցին իրենց մտահոգություններով, գաղափարներով և ապագայի տեսլականով։
Երիտասարդների կողմից բարձրաձայնվեցին մեր երկրի անվտանգության, կրթության որակի բարելավման, աշխատաշուկայի, համայնքային զարգացման և պետական կառավարման արդյունավետության վերաբերյալ մի շարք հարցեր։ Արթուր Վանեցյանը կարևորեց երիտասարդների ձայնը լսելի դարձնելու անհրաժեշտությունը՝ ընդգծելով, որ հենց նրանց ակտիվությունն ու նախաձեռնողականությունն են Հայաստանի ապագայի հենասյունը։ Նա ուշադրությամբ լսեց յուրաքանչյուր հարց ու առաջարկ՝ վստահեցնելով, որ երիտասարդների ներգրավվածությունը Հայաստանի հանրային և քաղաքական կյանքում առաջնային տեղ է զբաղեցնում։
Արթուր Վանեցյանը շեշտեց, որ կրթության չափորոշիչներն այսօր փոփոխման կարիք ունեն և պետք է համապատասխանեն ժամանակակից պահանջներին՝ հիմքում պահելով ազգային արժեքները։ Ըստ նրա՝ անհրաժեշտ է վերանայել գործող կրթական չափորոշիչները, որպեսզի համակարգը կարողանա ավելի արդյունավետ ձևավորել գիտելիք, կարողություններ և արժեհամակարգ։
Հանդիպումն անցավ վստահության մթնոլորտում՝ ևս մեկ անգամ ցույց տալով, որ բաց երկխոսությունն ու համատեղ աշխատանքը կարող են դառնալ ամուր և վստահելի համագործակցության ու ապագայի հիմք։
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Գարշահոտ ու հակասանիտարական վիճակ՝ Մալաթիայում
Նիկոլիզմը միայն Նիկոլին աջակցելը չէ. Նիկոլիզմը մտածողություն է. Հենրիխ Դանիելյան
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան
Երբ ակնկալիքների ու իրականության միջև խոր անդունդ է. «Փաստ»
ԱՄՆ-ն և դաշնակիցները ցանկանում են Իրանի միջուկային հարցը տեղափոխել ՄԱԿ-ի Անվտանգության խորհուրդ
Դուք հնարավորություն ունեք տեսնելու, թե ինչ են մտածում մարդիկ Տիգրանաշենը Ադրբեջանին հանձնելու մասին