Պարգևատրել են «պադավատով», որ չնեղացնեն
Ազգային ժողովի «Քաղաքացիական պայմանագիր» խմբակցությունն Առողջապահության հարցերի մշտական հանձնաժողովի նախագահի պաշտոնում թեկնածու է առաջադրել Վանիկ Օհանյանին։ Այս մասին ասված է ԱԺ նախագահի հայտարարությունում, որը հրապարակված է խորհրդարանի պաշտոնական կայքէջում։
Վանիկ Օհանյանը 43 տարեկան է, ծնունդով Վանաձորից է, Երևանի պետական բժշկական համալսարանի ստոմատոլոգիական ֆակուլտետի շրջանավարտ է։ Ավելի վաղ աշխատել է տարբեր կլինիկաներում՝ որպես բժիշկ-ստոմատոլոգ, դասավանդել է «Մխիթար Գոշ» հայ-ռուսական համալսարանի ստոմատոլոգիական ֆակուլտետում, եղել է «Ալֆա ֆարմ» ՓԲԸ դեղատնային ցանցի Լոռու մարզի տարածքային ղեկավար։ 2017-ին հիմնադրել է «Օհանյան կլինիկա» ՍՊԸ ստոմատոլոգիական կլինիկան։ 2019–2020 թվականներին աշխատել է որպես «Վանաձորի թիվ 1 պոլիկլինիկա» ՊՓԲԸ տնօրեն, 2024–2025 թթ.՝ «Վանաձորի թիվ 5 պոլիկլինիկա» ՊՓԲԸ տնօրեն։ Օհանյանը ԱԺ պատգամավոր է ընտրվել 2025 թվականի սեպտեմբերի 3-ին «Քաղաքացիական պայմանագիր» կուսակցության համապետական ցուցակով, Առողջապահության հարցերի հանձնաժողովի անդամ է։ Առողջապահության հարցերի խորհրդարանական մշտական հանձնաժողովի նախագահի պաշտոնը թափուր է արդեն գրեթե մեկ ամիս՝ Հռիփսիմե Հունանյանի հրաժարականից հետո։
Նա այդ հանձնաժողովում միակն էր, որ կապ ունի առողջապահության և բժշկության հետ, բայց նրա փոխարեն նախընտրել էին հենց Հունանյանին նշանակել հանձնաժողովի նախագահ։ Այժմ էլ թեկնածուները երկուսն էին՝ Վանիկ Օհանյանն ու Լուսինե Բադալյանը, սակայն վերջինիս թեկնածությունը մերժել են առողջապահության նախարար Անահիտ Ավանեսյանի և աշխատանքի ու սոցիալական հարցերի նախարար Արսեն Թորոսյանի բուռն պահանջներից հետո։ Բադալյանը լուրջ անձնական խնդիրներ ունի երկու նախարարների հետ, բազմիցս քննադատել է վերջիններիս, և այժմ նրան պարզապես դուրս են մղել՝ ընտրելով Վանիկ Օհանյանին, որին մինչև այդ չէին էլ ուզում տեսնել հանձնաժողովի նախագահի պաշտոնում։
Ընդ որում, «Քաղաքացիական պայմանագիր» կուսակցության ընտրական ցուցակի քվեարկության արդյունքում Օհանյանը միայն 62 ձայն է ստացել՝ զբաղեցնելով 204-րդ տեղը, ինչը նույնիսկ տեսականորեն հնարավորություն չի տալիս հայտնվել հաջորդ խորհրդարանի կազմում։ Ըստ երևույթին, վերջինիս թե՛ նոր պաշտոն է խոստացվել, թե՛ հիմա էլ պարգևատրել են մի քանի ամիս «պադավատ» և ավելի բարձր աշխատավարձ ունենալու հնարավորությամբ։
Աննա Մարգարյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
Հունձն այլևս խնդիր չէ. Ստեփանավանն ու հարակից բնակավայրերը կունենան նոր և ժամանակակից գյուղտեխնիկա, ...
«Դիմադրության օջախների կրակները մարելու համար շարունակում է իրականացնել իր ռեպրեսիվ գործունեությունը...
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան