Որքան կկազմի նվազագույն թոշակը, երբ իշխանության գա «Ուժեղ Հայաստանը». Հարց՝ Նարեկ Կարապետյանին

Հայաստանում կա 500 հազար և մոտավորապես 800 հազար գրանցված աշխատող, որից 600 հազարը մասնավորում, 200 հազարը պետականում։ Եթե մենք 5 տարում 300 հազար աշխատատեղ ենք ստեղծում մեր երկրում, դա բերում է միլիարդավոր դրամների եկամտահարկի վճարում, որի արդյունքում մենք կկարողանանք վերանայել սոցիալական վճարները և մեր հասարակության նշանակալի մասի համար ապահովել բազային մինիմալ զամբյուղի պահանջարկի իրականացում։ Այս մասին այսօր՝ փետրվարի 25–ին, լրագրողների հետ զրույցում նշեց «Ուժեղ Հայաստան» կուսակցության հիմնադիր Նարեկ Կարապետյանը՝ անդրադառնալով հարցին՝ իրենց իշխանության գալու պարաայում նվազագույն կենսաթոշակը ինչքա՞ն է լինելու։

«Այսինքն, մարդը կկարողանա իր թոշակով վճարել իր սննդի, էլեկտրաէներգիայի, գազի համար»,–ասաց նա։

Անդրադառնալով նրան, որ ՀՀ հակակոռուպցիոն կոմիտեն ուսումնասիրություններ է սկսել ուսանողների ուսման վարձերի հետ կապված, արդեն ինչ-որ անձինք հրավիրվել են կառույց՝ Նարեկ Կարապետյանն ասաց. ««Տաշիր» բարեգործականը տասնամյակներ շարունակ բարեգործություններով է զբաղվում, կան հազարավոր շահառուներ։ Այնպես չէ, որ մինչև մի պրոցեսն ենք բարեռգործություն արել, հետևաբար, մենք այդպիսի մտահոգություն չունենք։

Հարցին՝ անցումային փուլում, մինչև ձեր կողմից Սահմանադրություն փոխելը, ո՞վ է լինելու «Ուժեղ Հայաստանի» վարչապետի թեկնածուն, նա հստակ պատասխան չտվեց, մի քանի անգամ կրկնելով, որ «Ազատությանը» տված հարցազրույցում այդ հարցին պատասխանել է։