Ի՞նչ է փնտրում Պապիկյանը Իրանում
Մինչ ԱՄՆ–Իրան հարաբերությունները հասնում են եռման կետին, կողմերն էլ բացահայտ սպառնում են իրար, ՀՀ պաշտպանության նախարար Սուրեն Պապիկյանը նախօրեին մեկնել է Թեհրան, հանդիպումներ ունեցել բարձրաստիճան պաշտոնյաների հետ։ Ըստ ՊՆ տարածած հաղորդագրությունների՝ Հայաստանի պաշտպանության նախարարն հանդիպել է Իրանի զինված ուժերի գլխավոր շտաբի պետ, գեներալ-մայոր Աբդոլրահիմ Մուսավիի, ԻԻՀ պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեի, ԻԻՀ ազգային անվտանգության գերագույն խորհրդի քարտուղար Ալի Լարիջանիի հետ։
Մի հանդիպում էլ եղել է Իրանի Իսլամական Հանրապետության նախագահ Մասուդ Փեզեշքիանի հետ։ Պաշտոնական հաղորդագրությունները սեղմ են, շատ մանրամասներ, բնականաբար, չեն հաղորդում։ Բայց ակնհայտ է, որ Իրանը խիստ վերապահումներ ունի ՀՀ իշխանությունների նկատմամբ, հատկապես՝ օգոստոսի 8-ի հռչակագրից, ԱՄՆ-ին տարածաշրջան բերելուց և TRIPP նախագիծ ստեղծելուց հետո։
Պապիկյանն էլ մեկնել է Թեհրան՝ տեղում հայկական կողմի հավաստիացումները ներկայացնելու, հայ-իրանական հարաբերություններում խութերը հարթելու համար։ Ի դեպ, Իրանի պաշտպանության և զինված ուժերի աջակցման նախարար, բրիգադի գեներալ Ազիզ Նասիրզադեի հետ հանդիպման ժամանակ իրանցի պաշտոնյան կոշտ է արտահայտվել ԱՄՆ-ի հասցեին՝ սպառնալով հարվածել ամերիկյան զորքերին Մերձավոր Արևելքում։ Փաստացի, Նասիրզադեն այդ կերպ փորձել է ըմբռնել հայկական կողմի արձագանքը։
Բարեբախտաբար, ՀՀ պաշտպանության նախարարը քաղաքական այդ ծուղակին տուրք չի տվել։ Ամեն դեպքում, հայկական կողմը առիթ ունի պարբերաբար Իրանին հավաստիացնելու, որ իր քաղաքականությունը Թեհրանի դեմ չէ։ Հակառակ պարագայում հարավում էլ նոր ու հզոր թշնամի ստանալը գոյաբանական սպառնալիք կդառնա։
Տաթևիկ Բադալյան
Մոսկվայում մայիսի 9-ին կայանալիք Հաղթանակի շքերթը կանցկացվի առանց ռազմական տեխնիկայի շարասյան
Ադրբեջանական կողմից նախապատրաստվել և առաջ են մղվում անհիմն ու արհեստական թեզեր․ փորձագետ
Սամվել Ալեքսանյանը 350 հազար կիլոգրամ գոմեշի միս է ներկրելու Հնդկաստանից․ Կառավարությունից աջակցությ...
Մեքսիկայում ձերբակալել են թմրաբարոնի, որին բռնելու համար ԱՄՆ-ն 5 միլիոն դոլար էր խոստացել
Թափանցիկության բացակայություն՝ ադրբեջանական պատվիրակության այցի շուրջ. «Ժողովուրդ»
Երևանում՝ Ռուսաց լեզվի օրերի շրջանակներում անցկացվեց թատերական փառատոն
Որպես Փաշինյանին օգնություն Ալիևն ուզում է մինչև ընտրություն գերիների մի մասին վերադարձնել. Hraparak
Արցախցի գործարարը, որին հյուրընկալվեց Փաշինյանը, առնչվում է փողերի լվացման գործին. «Ժողովուրդ»
Եկեղեցում երիտասարդին հարվածած Փաշինյանի թիկնապահին արգելել են հանրային վայրերում երևալ. «Ժողովուրդ»
ՊԵԿ-ը բացահայտել է խոշոր չափերի` կանխիկ 72,6 մլն ռուսական ռուբլու ներկրման դեպքեր