ԱՄՆ պետքարտուղարն անընդունելի է համարել հարձակումները Թուրքիայի տարածքի վրա
Միացյալ Նահանգների պետքարտուղար Մարկո Ռուբիոն հեռախոսազրույց է ունեցել Թուրքիայի արտգործնախարար Հաքան Ֆիդանի հետ թուրքական տարածքում Իրանից արձակված բալիստիկ հրթիռի վնասազերծումից հետո։
Ինչպես հաղորդում է «Արմենպրես»-ը, այս մասին հայտնում է պետքարտուղարության կայքը։«ԱՄՆ պետքարտուղար Մարկո Ռուբիոն այսօր հեռախոսազրույց է ունեցել Թուրքիայի արտաքին գործերի նախարար Հաքան Ֆիդանի հետ՝ քննարկելու վերջին զարգացումներն Իրանում և ամբողջ Մերձավոր Արևելքում:
Պետքարտուղարը արտգործնախարարին ասել է, որ Թուրքիայի ինքնիշխան տարածքի վրա հարձակումները անընդունելի են և հայտնել է Միացյալ Նահանգների լիակատար աջակցությունը: Երկու առաջնորդներն էլ վերահաստատել են երկկողմ հարաբերությունների շարունակական ամրապնդումը»,- ասվում է հայտարարության մեջ։
Թուրքիայի պաշտպանության նախարարությունը մարտի 4-ին հայտարարել էր, որ Իրանից արձակված և Իրաքի ու Սիրիայի օդային տարածքները հատելուց հետո Թուրքիայի օդային տարածք հասած բալիստիկ հրթիռը վնասազերծվել է ՆԱՏՕ-ի հակաօդային և հակահրթիռային պաշտպանության ուժերի կողմից։Հրթիռի բեկորն ընկել է Հաթայի նահանգում։ Տուժածներ չէին գրանցվել։
Ընտանեկան հանգստի գոտի. «Արգիշտի ռեզորթ»-ի հաջողության պատմությունը Կոնվերս Բանկի աջակցությամբ
Առաջիկա օրերին էլեկտրաէներգիայի անջատումներ են սպասվում․ ՀԷՑ-ը հասցեներ է հրապարակել
«Արգամ Աբրահամյանին առաջադրված մեղադրանքն անհիմն է, իսկ ձերբակալության ընթացքում կիրառվել է անհամաչա...
Ամփոփվեցին Junius-ի արդյունքները․ առջևում նոր մրցափուլն է
Ոստիկանների օպերատիվ գործողությունների շնորհիվ հայտնաբերված նորածինը տեղափոխվել է բժշկական կենտրոն․ ...
Մոսկվայում կքննարկեն Եվրասիայի անվտանգությունն ու հավաքական անվտանգության ապագան
Հաճախորդների շնորհակալության օրը՝ այս անգամ IDBank-ի «Էրեբունի» մասնաճյուղում
Հայ Առաքելական եկեղեցին մեր ինքնության հիմնաքարն է, այն պետք է պաշտպանել. Արմեն Մանվելյան
Ավետիք Չալաբյանը գտնվում է կալանավայրում, քանի որ պայքարում էր նիկոլիզմի դեմ. Արեգ Սավգուլյան
Նավթի գները աճել են