Յուրաքանչյուր շրջան կունենա առնվազն երկու մթերման կայան. Նարեկ Կարապետյան
Նարեկ Կարապետյանը ներկայացրել է գյուղատնտեսության ոլորտի զարգացման իր տեսլականը՝ առանցքային համարելով մթերման կայանների ցանցի ստեղծումն ու գյուղացիական տնտեսությունների համար կանխատեսելի միջավայրի ձևավորումը։
Ըստ Կարապետյանի՝ ծրագրի հիմքում ընկած է տարածաշրջանային մասնագիտացումը։ Արարատյան դաշտը կենտրոնանալու է մրգի և բանջարեղենի մթերման վրա, իսկ Գեղարքունիքի ու Շիրակի մարզերը՝ մսամթերքի, կարտոֆիլի և ցորենի։ Յուրաքանչյուր շրջանում նախատեսվում է հիմնել առնվազն երկու կայան, ինչը կստեղծի առողջ մրցակցություն։
«Կարևոր է, որ գյուղացին ունենա ընտրության հնարավորություն։ Երբ բերքի համար մրցակցեն մի քանի մթերման կայաններ, դա կբերի գների բարձրացման և գյուղացուն հնարավորություն կտա ստանալ լավագույն գինը իր աշխատանքի դիմաց»,-նշել է նա։
Բարեփոխումների մյուս կարևոր կողմը գյուղացու համար ֆինանսական կայունության ապահովումն է։ Մթերման կայանների առկայությունը թույլ կտա հստակեցնել գնային քաղաքականությունը դեռ տարվա սկզբից։
«Գյուղացիները հնարավորություն կունենան տարվա սկզբից իմանալ՝ ինչ գնով են վաճառելու իրենց մթերքը։ Դա թույլ կտա կանխատեսել ծախսերն ու շահույթը՝ առանց սպասելու մինչև տարեվերջ»,-հավելել է նա:
Անդրադառնալով նախկինում հայտարարված 300 000 նոր աշխատատեղերին՝ Կարապետյանը պարզաբանել է, որ գյուղատնտեսության ոլորտում շեշտը դրվում է ոչ թե քանակական ավելացման, այլ արդյունավետության և եկամտաբերության բարձրացման վրա։
ՔՊ-ականներն ահաբեկում են անգամ անչափահասներին. «Հրապարակ»
«Հայկական ավիաուղիները» Երևան է տեղափոխել իր առաջին Boeing 737-800 տիպի ինքնաթիռը. «Հետք»
«Հրապարակ». Հավաքին մասնակցելու համար ազատել են պաշտոնից
ՌԴ ԱԳՆ-ն «The Insider»-ի «ռուս գործակալների Երևանում գտնվելու» մասին լուրն անվանել է կեղծ
Երևանում և մարզերում լույս չի լինի. հասցեներ
«Նախընտրական Հայաստանը թուրք-ադրբեջանական ծրագրերում» թեմայով փորձագիտական քննարկում տեղի կունենա
ԱՄՆ-ն Իրանի հետ կապ ունեցող 89 առևտրային նավ է կալանել ծովային շրջափակումն սկսելուց ի վեր
«Մասկա օպերացիա». իրավապահները հրահանգ են ստացել. «Հրապարակ»
ՔՊ՝ 28,8 %, «Ուժեղ Հայաստան»՝ 14,9%, «Հայաստան»՝ 12,1%, ԲՀԿ՝ 8,7 %, «Միասնության թևեր»` 5,8 %․ սոցհա...
Իշխանությունների թիրախում են ակտիվ արցախցիները. «Հրապարակ»