Նախիջևանի վրա հարձակման պատճառը Ալիևի կողմից որդեգրած ընդհանուր քաղաքական գիծն է․ Զատուլին

«Подъём» հրատարակությանը տված հարցազրույցում Պետդումայի ԱՊՀ հարցերով հանձնաժողովի առաջին փոխնախագահ Կոնստանտին Զատուլինը նշել է, որ Իրանի կողմից Ադրբեջանի վրա հարձակման պատճառներից մեկը կարող է լինել Բաքվի սերտ համագործակցությունը Իսրայելի հետ և Ադրբեջանի նախագահ Իլհամ Ալիևի կողմից որդեգրած ընդհանուր քաղաքական գիծը։

«Քիչ հավանական է, որ նրանք (Իրան․ խմբ) որևէ հրթիռ կամ անօդաչու թռչող սարք արձակեր դեպի Ադրբեջան։ Եթե սա սխալ չէ, Իրանը կբացատրի իր վարքագիծը»,- ասել է նա։

Զատուլինը նշել է՝ մինչ ամերիկացիները խաղադրույք են կատարում քրդերի վրա, Բաքուն խաղադրույք է կատարում Իրանի էթնիկ ադրբեջանցիների վրա։

«Մենք գիտենք, որ Ադրբեջանը ոչ միայն սերտորեն համագործակցում է Թուրքիայի հետ, այլև զարգացնում է իր համագործակցությունը Իսրայելի հետ։ 12-օրյա պատերազմի ժամանակ Իսրայելը կոչ արեց Իրանի ադրբեջանցիներին ապստամբել կառավարության դեմ, իրենց ճակատագիրը իրենց ձեռքը վերցնել և այլն։ Սրանք վարչապետ Նեթանյահուի անձամբ արած հայտարարություններն էին։ Եվ, իհարկե, նրանք այժմ փորձում են ամեն կերպ շահագործել Իրանում ազգային փոքրամասնությունների խաղաքարտը։ Ամերիկացիները խաղում են քրդերի հետ։

Ես չեմ բացառում Իրանում ադրբեջանցիների դեմ նմանատիպ փորձերի հնարավորությունը։ Չնայած, իմ կարծիքով, նման փորձերը քիչ հավանական են, որ իրականություն դառնան, քանի որ Իրանի քաղաքական և ռազմական վերնախավի շատ անդամներ էթնիկ ադրբեջանցիներ են։ Խամենեին ինքը՝ ադրբեջանցի էր, ինչպես նաև նրա որդին։ Իրանի նախագահ Փեզեշքիանը էթնիկ ադրբեջանցի է»։

Միևնույն ժամանակ, Զատուլինը շեշտել է, որ չի կարծում, թե հարձակումները Ադրբեջանի կողմից Իսրայելի հետ կապերի պահպանման արդյունք են. «Պետք է լինեն ավելի համոզիչ պատճառներ»։

Հիշեցնենք՝ իրանական անօդաչու թռչող սարքերը հարձակվել են Նախիջևանի վրա, դրանցից մեկը՝ դպրոցի, հաղորդվել է երկու զոհի մասին։ Ադրբեջանի արտաքին գործերի նախարարությունն արդեն հայտարարել է, որ երկիրն իրավունք ունի ձեռնարկել պատասխան միջոցներ։