ԱրարատԲանկը յոթերորդ տարին անընդմեջ արժանացել է Ria Money Transfer-ի Հայաստանում «Տարվա գործընկեր» մրցանակին
ԱրարատԲանկը 2025 թվականի արդյունքներով արժանացել է RIA Money Transfer համակարգի Հայաստանում «Տարվա գործընկեր» մրցանակին։ Բանկն այս մրցանակին արժանանում է արդեն յոթերորդ տարին անընդմեջ, ինչը վկայում է կողմերի միջև ձևավորված երկարամյա արդյունավետ համագործակցության, ինչպես նաև ոլորտում ԱրարատԲանկի կայուն և առաջատար դիրքերի մասին։
Մրցանակը շնորհվել է` Հայաստանում Ria Money Transfer համակարգի զարգացմանը նպաստելու, ամուր և կայուն գործընկերություն ձևավորելու, համատեղ նախագծեր և արշավներ իրականացնելու, ինչպես նաև իրականացված գործարքների քանակական և ծավալային բարձր ցուցանիշներ ապահովելու համար։
Հատկանշական է, որ ԱրարատԲանկն առաջին ֆինանսական հաստատությունն է, որը դեռևս 2012 թվականին ներդրել և զարգացրել է Ria Money Transfer համակարգը Հայաստանի շուկայում։ Այդ ժամանակից ի վեր կողմերը համատեղ իրականացրել են բազմաթիվ նախաձեռնություններ՝ ներառյալ նոր ծառայությունների ներդնումն ու գովազդային արշավները։
2025 թվականի համագործակցության շրջանակում ԱրարատԲանկի և Ria Money Transfer համակարգի կողմից համատեղ իրականացվել է «Առաջնորդ աշխատակից» ակցիան, որի արդյունքում բանկի 15 աշխատակիցներ ստացել են մրցանակներ։ Բացի այդ, ներդրվել է նաև Ria Money Bank deposit հաշիվների համալրման ծառայությունը, որն ընդլայնել է հաճախորդներին առաջարկվող հնարավորությունները։
Ria Money Transfer-ի թիմը բարձր է գնահատել ԱրարատԲանկի հետ համագործակցությունը. «ԱրարատԲանկն եղել և մնում է մեր հուսալի գործընկերը, որի հետ արդեն երկար տարիներ վստահ քայլերով ընթանում ենք դեպի մեր ընդհանուր նպատակները։ Բանկի թիմի հանձնառությունը, պրոֆեսիոնալիզմն ու շարունակական աջակցությունը կարևոր դեր են ունեցել գրանցված համընդհանուր արդյունքներում։ Մենք բարձր ենք գնահատում Հայաստանում ԱրարատԲանկի հետ համատեղ գրանցած հաջողությունը»։
2026 թվականին ԱրարատԲանկը և Ria Money Transfer-ը շարունակելու են համագործակցությունը՝ իրականացնելով նոր թվային նախագծեր, բոնուսային ծրագրեր և նոր համատեղ արշավներ։
Ria Money Transfer-ի մասին
Ria Money Transfer-ը միջազգային դրամական փոխանցումների համակարգ է, որը գործում է աշխարհի ավելի քան 160 երկրում՝ ապահովելով արագ, հուսալի և հասանելի դրամական փոխանցումների ծառայություններ։ Համակարգից հիմնականում օգտվում են 18 տարին լրացած այն անձինք, որոնք ցանկանում են աջակցել արտերկրում բնակվող իրենց հարազատներին՝ ուղարկելով դրամական փոխանցումներ, և ովքեր արտերկրում գտնվող հարազատներից ստանում են ֆինանսական աջակցություն կրթության կամ առօրյա ծախսերի համար։
ԱրարատԲանկը վերահսկվում է ՀՀ կենտրոնական բանկի կողմից:
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Փաշինյանը խոստացավ բարեկեցություն, բայց բերեց աղքատություն․ Լենա Մաթևոսյան
Օտարերկրյա կազմակերպությունների կողմից Հայաստանի վարկաբեկման փորձերը պետք է կանխվեն. ՀՀՄԱ
Կառավարությունը քայլ առ քայլ զիջում է Հայաստանի պետական ու ազգային շահերը․ Աբրահամյան
Տարեցտարի բուհ ընդունվողների թիվը զգալի նվազում է, ինչը վկայում է կրթության ցածր որակի մասին. Ատոմ Մ...
Ընդդիմությունը պետք է ձևավորի իր ինքնուրույն, անկախ օրակարգը. Արեգ Սավգուլյան
Երբ ակնկալիքների ու իրականության միջև խոր անդունդ է. «Փաստ»
«Խոսքերին որևէ մեկն այլևս չի հավատում, կոնկրետ քայլեր են պահանջում». «Փաստ»
Ներքաշում են ոչ միայն ապօրինության, անիրավության, այլև անմարդկայնության մեջ. «Փաստ»
Իշխանությունը վարում է արկածախնդիր քաղաքականություն, որը վնասում է միայն Հայաստանին. Արմեն Մանվելյան