Լևիկ Միքայելյանը կիսաեզրափակչում հաղթել է Թուրքիայի ներկայացուցչին․ կմրցի ադրբեջանցի մարզիկի հետ
Հայաստանի ազատ ոճի ըմբշամարտի Մ23 տարեկանների հավաքականի անդամներ 57 կգ քաշային Արման Հարությունյանն ու 70 կգ քաշային Դավիթ Մարգարյանը բրոնզե մեդալներ են նվաճել Սերբիայի Զրենյանին քաղաքում ընթացող ազատ ոճի ըմբշամարտի երիտասարդների Եվրոպայի առաջնությունում: Այս մասին տեղեկանում ենք ԿԳՄՍՆ-ից։
19-ամյա Արման Հարությունյանը մեկնարկային գոտեմարտում զիջել է Ռուսաստանի ներկայացուցիչ Այանդար Օնդարին։ Վերջինս հասել է եզրափակիչ, ինչի արդյունքում հայ ըմբիշը սփոփիչ գոտեմարտ անցկացնելու հնարավորություն է ստացել, որտեղ 16։5 հաշվով հաղթել է ուկրաինացի Միկոլա Բրատովին։ Բրոնզե մեդալի համար գոտեմարտում Հարությունյանը 10։0 հաշվով վստահ հաղթանակ է տարել Բելառուսի ներկայացուցիչ Արտյոմ Պավլյուչենկայի նկատմամբ։
Հայաստանի մյուս ներկայացուցիչ 70 կգ քաշային Դավիթ Մարգարյանը բրոնզե մեդալի համար գոտեմարտում 5։3 հաշվով առավելության է հասել գերմանացի Մարսել Վագինի նկատմամբ։ Մեկնարկում Մարգարյանը ժամանակից շուտ զիջել է Ռուսաստանի ներկայացուցիչ Մագոմեդ Ելթեմիրովին, իսկ սփոփիչ գոտեմարտում 11։4 հաշվով առավելության է հասել Իտալիայի ներկայացուցիչ Դանիելե Ջուբիոտիի նկատմամբ։
65 կգ քաշային կարգում Հայաստանի ներկայացուցիչ Արման Մուսիկյանը ևս պայքարել է բրոնզե մեդալի համար, սակայն գոտեմարտի ավարտից 3 վայրկյան առաջ զիջել է մրցակցին՝ Ադրբեջանի ներկայացուցիչ Մուսա Աղաևին։ Գոտեմարտն ավարտվել է 4:6 հաշվով: Մուսիկյանը մեկնարկում տուշեով հաղթանակի էր հասել հունգարացի Զոլտան Միժեիի նկատմամբ: Քառորդ եզրափակչում հայ ըմբիշը ժամանակից շուտ հաղթել էր Շվեյցարիայի ներկայացուցիչ Սանդրո Հունգերբյուլերին, իսկ կիսաեզրափակչում 6։9 հաշվով զիջել է Բելառուսի ներկայացուցիչ Մագոմեդխան Մագամեդխանովին։
Հայաստանի երիտասարդական հավաքականի անդամ 61 կգ քաշային Լևիկ Միքայելյանը դուրս է եկել Եվրոպայի Մ23 տարեկանների առաջնության եզրափակիչ: Մեկնարկում Միքայելյանը առավելության է հասել Մոլդովայի ներկայացուցիչ Վասիլյե Մարկուի (4։1) և բուլղարացի Էրդալ Գալիպի (1։1) նկատմամբ, իսկ կիսաեզրափակչում հաղթել է Թուրքիայի ներկայացուցիչ Տոլգա Օզբեկին: Եզրափակչում Միքայելյանի մրցակիցը կլինի Ադրբեջանի ներկայացուցիչ Ջեյհուն Ալլահվերդիևը:
Բրոնզե մեդալի համար պայքարելու իրավունք ստանալու համար այսօր սփոփիչ գոտեմարտեր կանցկացնեն նաև 92 կգ քաշային Կնյազ Իբոյանը և
125 կգ քաշային Խաչատուր Խաչատրյանը:
Հունահռոմեական և ազատ ոճերի հավաքականների գլխավոր մարզիչներ Արմեն Բաբալարյանն ու Հաբեթնակ Կուրղինյանն ավելի վաղ հրապարակել են մրցավայր մեկնող մարզիկների անունները։ Մ23 տարեկանների Եվրոպայի առաջնությունն անցկացվում է մարտի 9-15-ը:
Ազատ ոճ
57 կգ Արման Հարությունյան, 61 կգ Լևիկ Միքայելյան, 65 կգ Արման Մուսիկյան, 70 կգ Դավիթ Մարգարյան, 74 կգ Գրիգոր Չոլակյան, 79 կգ Հայկ Պապիկյան, 86 կգ Ռազմիկ Եփրեմյան, 92 կգ Կնյազ Իբոյան, 97 կգ Գուրգեն Սիմոնյան, 125 կգ Խաչատուր Խաչատրյան:
Հունահռոմեական ոճ
55 կգ Մանվել Խաչատրյան, 60 կգ Սուրեն Աղաջանյան, 63 կգ Արմեն Սուքիասյան, 67 կգ Յուրիկ Հովեյան, 72 կգ Աշոտ Խաչատրյան, 77 կգ Սամվել Տերտերյան, 82 կգ Մարտիկ Պետրոսյան, 87 կգ Վիգեն Նազարյան, 97 կգ Ռուբեն Գևորգյան, 130 կգ Արամայիս Հարությունյան:
Հունահռոմեականները պայքարը կսկսեն մարտի 13-ին:
Եվրոպայի առաջնության ժամանակ, որպես մրցավար, աշխատում է նաև Ալբերտ Վարդանյանը:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Մեր տարածաշրջանում այնպիսի իրավիճակ է, որ ով վերահսկում է Սյունիքը, վերահսկում է ողջ Կովկասը. Արշակ ...
Ինչո՞ւ են իշխանությունները թիրախավորել դատավորին. «Փաստ»
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն