Իրանի իշխանությունները խիստ դժգոհ են Փաշինյանի կառավարությունից
Իրանի իշխանությունները խիստ դժգոհ են Հայաստանի գործող իշխանություններից։ Հիշեցնենք, պատերազմը սկսելուց հետո միայն 2 օր անց Փաշինյանը ցավակցեց Իրանի գերագույն հոգևոր առաջնորդի մահվան կապակցությամբ։ Թեպետ նոր հոգևոր առաջնորդի նշանակումից անմիջապես հետո շնորհավորեց, բայց և, մեր աղբյուրների փոխանցմամբ, Իրանի իշխանությունները լուրջ դժգոհություն ունեն կապված գործող կապված Փաշինյանի վարքի հետ։ Հայաստանը չեզոքություն է պահպանում պատերազմում, նաև ի տարբերություն տարածաշրջանի այլ երկրների, հրաժարվում է օգնություն ուղարկել Իրան։
Հիշեցնենք, մարտի 10–ին Ադրբեջանը Իրան էր ուղարկել 10 տոննա ալյուր, 6 տոննա բրինձ, 4 տոննա խմելու ջուր, թեյ և 2 տոննա դեղորայք։ Ընդ որում, այդ ամենը Ալիևի և Մասուդ Փեզեշքիանի հեռախոսազրույցից հետո, առավել ևս, որ Նախիջևանում էլ խնդիրներ էին ծագել իրանական անօդաչու հարվածից հետո։ Մարտի 12–ին էլ Ռուսաստանի արտակարգ իրավիճակների նախարարությունն էր տրանսպորտային ինքնաթիռով մարդասիրական օգնություն հասցրել Ադրբեջան՝ Իրանին փոխանցելու համար։ 13 տոննա դեղորայքը փոխանցել էր Իրանի կառավարության ներկայացուցիչներին և մեքենաներով ուղարկվել Իրան։
Թեպետ Հայաստանում Իրանի դեսպան Խալիլ Շիրղոլամին հայտարարում է, թե Իրանը կապի մեջ է Հայաստանի իշխանությունների հետ և ստացել է բազմաթիվ աջակցություններ, ինչպես մարդասիրական, այնպես էլ քաղաքացիների փոխադրման հարցում, իրականում սա ընդամենը դիվանագիտական ձևակերպում է։ Հայաստանը որևէ օգնություն առայժմ չի ուղարկել, թեպետ, ըստ մեր աղբյուրի, խոսակցություններ և առաջարկներ եղել են։ Ամեն դեպքում, պատերազմից հետո Իրանի իշխանությունները չեն մոռանալու որևէ հարևանի վարքը, և Հայաստանի իշխանություններին էլ հիշեցնելու են իրենց արածը։
Մոնիկա Կիրակոսյան
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Նարեկ Կարապետյանը պատգամավոր է լինելու, բայց ԿԸՀ-ն իր մասով միջնորդություն պիտի այսօր քննի
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան