Էժան վրեժխնդրություն առաջին նախագահի նկատմամբ
Հայաստանի առաջին նախագահ Լևոն Տեր-Պետրոսյանի նկատմամբ գործող իշխանությունների վարքը կարելի է բնութագրել ընդամենը մեկ բառով՝ էժան վրեժխնդրություն։ Տեր-Պետրոսյանը վաղուց է հրաժարվել Փաշինյանից, Հայ ազգային կոնգրեսն էլ դարձել է Փաշինյանի գլխավոր քննադատներից մեկը, բայց օրերս տեղի ունեցած համագումարը, որում Տեր-Պետրոսյանը բավականին կոշտ, կարճ գնահատական էր տվել իշխանություններին՝ նշելով, որ իշխանափոխությունից հետո լուրջ վերափոխում է լինելու Հայաստանում, իսկ ՀԱԿ փոխնախագահ Լևոն Զուրաբյանն էլ կրկին կոչ էր արել համախմբվել «Ուժեղ Հայաստան» կուսակցության հետ, գործող իշխանությունները անցել են մանր և էժանագին վրեժխնդրության։ Նախօրեին առաջին նախագահի գրասենյակի տնօրեն Ավետիս Ավագյանը հայտնել էր, որ 24 ժամից ավելի Լևոն Տեր-Պետրոսյանի առանձնատունն ու գրասենյակը հոսանքազրկված են, և սա իրականացվել է հենց իշխանությունների հրահանգով։
«Հայաստանի էլեկտրական ցանցերը» ավելի ուշ հայտարարեց, թե առանձնատունն ու գրասենյակը հոսանքազրկվել են «Յուվենթուս» ֆուտբոլային ակադեմիայի մասնաշենքի կառուցապատող ընկերության գործողությունների պատճառով։ Իբր առանց ՀԷՑ-ի համապատասխան ստորաբաժանումների հետ համաձայնեցման կազմակերպությունը ապամոնտաժել և քանդել է տրանսֆորմատորային ենթակայանին կից՝ ակադեմիային պատկանող շինությունը՝ վնասելով ՀԷՑ-ի սեփականություն հանդիսացող տրանսֆորմատորային ենթակայանի պատերը և տանիքը։ Ջուր է լցվել, և խափանվել է մի քանի բաժանորդների էլեկտրամատակարարումը։ Փաշինյանական իշխանությունը վերջին շրջանում բավականին շատ հեքիաթներ է փորձում հորինել՝ բոլորն էլ մեկը մյուսից անհավատալի և անհասկանալի։
Առաջին նախագահը գործող իշխանությունների քաղաքական հակառակորդն է, բայց անկախ ամեն ինչից նաև հանրապետության առաջին նախագահն է, և վերջինիս նկատմամբ վերաբերմունքը ցույց է տալիս սեփական երկրի պատմության նկատմամբ փաշինյանական իշխանությունների վերաբերմունքը։ Եվ այս իշխանության վարքը որևէ տրամաբանական գծում չի տեղավորվում, զուրկ է տղամարդկությունից, տրամաբանությունից և բարոյականության որևէ նշույլից։
Իհարկե, իշխանությունները կփորձեն համոզել, թե իրենք որևէ մեղք չունեն, մեղավորը ինչ-որ կառուցապատող ընկերություն է, բայց 24 ժամից ավելի առաջին նախագահին և նրա գրասենյակը թողնելով առանց էլեկտրամատակարարման՝ Փաշինյանի իշխանությունը ապացուցում է իր էժանությունը։
Սոնա Գալստյան
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Նարեկ Կարապետյանը պատգամավոր է լինելու, բայց ԿԸՀ-ն իր մասով միջնորդություն պիտի այսօր քննի
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան