Եվրամիությունն անթաքույց անցել է Փաշինյանի պաշտպանությանը
Եվրամիությունը հաստատել է, որ Հայաստան կուղարկի հիբրիդային արագ արձագանքման խումբ, որպեսզի օգնի դիմակայել սպառնալիքներին երկրում կայանալիք ընտրությունների նախաշեմին: Եվրամիության արտաքին գործերի նախարար Կայա Կալլասը նշել է, թե որոշումը կայացվել է հայկական կողմի խնդրանքով։ Ավելի վաղ Կալլասը նաև հայտնել էր, որ Հայաստանը դիմել է Եվրամիությանը՝ «առաջիկա ընտրություններում արտաքին միջամտությանը» հակազդելու համար։ Ի պատասխան՝ ԵՄ-ն հայտարարել է 12 միլիոն եվրո հատկացնելու պատրաստակամության մասին։ Միջոցները նախատեսվում է օգտագործել «արտաքին տեղեկատվական մանիպուլյացիաների և միջամտության» դեմ պայքարի և կիբեռանվտանգության ամրապնդման համար։
«Հայաստանի խնդրանքով ԵՄ-ն կտեղակայի հիբրիդային արագ արձագանքման խումբ՝ ընտրություններից առաջ սպառնալիքներին հակազդելու համար: Մեր հարևանության ժողովրդավարական դիմադրողականության աջակցությունը մեզ համար մնում է առաջնահերթություն: Մենք Հայաստանին մենակ չենք թողնի. ճնշման տակ գտնվող ժողովրդավարությունները կարող են հույսը դնել Եվրոպայի վրա», - ասել է Կալլասը ԵՄ արտաքին գործերի նախարարների հանդիպումից հետո տեղի ունեցած մամուլի ասուլիսում: Ավելի վաղ հայտնի էր դարձել, որ Հայաստանը Եվրամիությանն այդ հարցով դիմել է փետրվարի 13–ին։
Արտգործնախարար Արարատ Միրզոյանն անձամբ է նամակ գրել Եվրամիության ներկայացուցիչներին։ Հատկապես վերջին ժամանակահատվածում Եվրամիությունն ընդհանրապես մոռացել է իր բոլոր արժեքները և ամեն ինչ անում է Նիկոլ Փաշինյանին իր դիրքերում պահելու, նրա վերարտադրությունը ապահովելու համար, բնականաբար թքած ունենալով բոլոր ժողովրդավարական, եվրոպական արժեքների վրա։ Եվրամիության համար այսօր թիվ 1 խնդիրը դարձել է ամեն գնով Ռուսաստանի վնասելը, և այդ ճանապարհին նրանք նաև նպաստում են տարբեր փաշինյաններիմ սանդուների վերարտադրությանը՝ կեղծիքներով և աչք փակելով բոլոր ապօրինությունների վրա։ Ի վերջո, սա նաև լրջագույն հարված է հասցնում հենց Արևմուտքին։
Զուր չէ, որ Միջազգային հանրապետական ինստիտուտի վերջին հարցումների համաձայն՝ Արևմուտքի և, մասնավորապես, Եվրամիության նկատմամբ վերաբերմունքը հայ հասարակության մեջ լրջորեն վատացել է։ Սա հենց Եվրամիության պաշտոնյաների գործողությունների հետևանքն է, որոնք ու չեն հասկանում, որ ի վերջո, Եվրամիության, եվրոպական արժեքների նկատմամբ հանրության վստահության նվազումը երկարաժամկետ կտրվածքով լուրջ խնդիրներ է առաջացնելու։
Մանե Կիրակոսյան
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Նարեկ Կարապետյանը պատգամավոր է լինելու, բայց ԿԸՀ-ն իր մասով միջնորդություն պիտի այսօր քննի
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան