Հայաստանի և Լաոսի միջև համագործակցությունը հետագայում կընդլայնվի․ Վահագն Խաչատուրյան
Հանրապետության նախագահ Վահագն Խաչատուրյանին իր հավատարմագրերն է հանձնել Հայաստանում Լաոսի Ժողովրդական Ժողովրդավարական Հանրապետության դեսպան Սիֆանդոն Օյբուաբուդդին:
Նախագահ Խաչատուրյանը շնորհավորել է դեսպանին պաշտոնը ստանձնելու առթիվ և մաղթել արդյունավետ գործունեություն՝ ի նպաստ երկու երկրների հարաբերությունների զարգացման։
Նախագահը հույս է հայտնել, որ Հայաստանի և Լաոսի միջև համագործակցությունը հետագայում կընդլայնվի՝ ընդգրկելով փոխադարձ հետաքրքրություն ներկայացնող տարբեր ոլորտներ։
Դեսպան Օյբուաբուդդիը շնորհակալություն է հայտնել ընդունելության համար և նշել, որ իր գործունեությամբ առավելապես կնպաստի երկկողմ հարաբերությունների ամրապնդմանն ու զարգացմանը։
Հանդիպման ընթացքում անդրադարձ է կատարվել քաղաքական, տնտեսական, կրթական և բարձր տեխնոլոգիական ոլորտներում համագործակցության ընդլայնման հնարավորություններին։ Կողմերը կարևորել են խորհրդարանական դիվանագիտության առաջմղումը՝ այն դիտարկելով որպես երկկողմ հարաբերությունների զարգացման կարևոր բաղադրիչ։
Շեշտվել է նաև պաշտոնական փոխայցելությունների դերը՝ որպես համագործակցության ամրապնդման և նոր ուղղությունների բացահայտման արդյունավետ միջոց։ Կողմերը նշել են, որ միջազգային հարթակներում սերտ համագործակցությունը կարող է ունենալ դրական նշանակություն՝ նպաստելով ընդհանուր օրակարգերի առաջմղմանը։
Զրույցի ընթացքում անդրադարձ է կատարվել նաև ընթացիկ տարում Հայաստանում կայանալիք ՄԱԿ-ի COP համաժողովին, ինչպես նաև «Երևանյան երկխոսություն» միջազգային համաժողովին՝ ընդգծելով դրանց կարևորությունը որպես փոխգործակցությունը խորացնող և հարաբերությունները սերտացնող հարթակներ։
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Հանրային ակտիվության հետևանքը. «Փաստ»
Բեյջի թելերից ավելի ուշագրով գնումներ էլ են եղել
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...