Փաշինյանը փորձում է Կարապետյանին ու ընդդիմադիր ուժերին ճակատային «լեզվակռվի» մեջ ներքաշել․ քաղաքագետ
Քաղաքական վերլուծաբան Հակոբ Բադալյանը գրել է. «Վարչապետ Փաշինյանը շարունակում է «ուժեղ տղերքի» վերաբերյալ նետվող իր «մարտահրավերները»: Նախօրեի սկանդալին հաջորդած առավոտյան Փաշինյանը կրկին անդրադառնում է այդ ոճին ու թեմային:
Նպատակի առնվազն մի շերտը հասկանալի է՝ «փոխել ալիքը», որ առաջացրել է նախօրեի ամոթալի դրվագը:
Սակայն, Փաշինյանի այս ոճն ու թեման ունեն թերեւս ավելի լայն մղում: Դրանցից մեկի մասին ես խոսել եմ օրեր առաջ՝ ցրել սեփական էլեկտորատի, սեփական թիմի, ու եվրոպական վերնախավի հնարավոր կասկածները:
Մյուս ավելի լայն նպատակը՝ ներքաշել Սամվել Կարապետյանին ու ընդդիմադիր առաջատար ուժերին, այսպես ասած, ճակատային «լեզվակռվի» մեջ: Սա մոտավորապես նման է այն «մարտահրավերին» կամ «ձեռնոցին», որ Նիկոլ Փաշինյանը նետում էր նախկին նախագահներին՝ արցախյան թեմայով ուղիղ եթերում բանավիճելու մասով: Նախկին նախագահներից որեւէ մեկը չարդարացրեց նրա հաշվարկը, չվերցրեց «ձեռնոց-խայծը» եւ չհայտնվեց «թակարդում»: Եվ, իհարկե, խիստ տարօրինակ կլիներ, եթե նրանցից որեւէ մեկը դրսեւորեր այդ խայծը կուլ տալու միամտություն:
Այժմ, ըստ էության, Նիկոլ Փաշինյանը փորձում է նույն տրամաբանությունը՝ այլ տարբերակով, արդեն ներառելով նաեւ ընդդիմության ակնառու առաջատար ուժն առաջնորդող Սամվել Կարապետյանին: Կրկնեմ՝ հաշվարկը ճակատային «փոխհրաձգություն» հրահրելն է: Պետք է արձանագրել, որ այդտեղ Նիկոլ Փաշինյանը հայաստանյան քաղաքական «երկնակամարի» անգերազանցելի «աստղ» է: Այդ իմաստով, նա, իհարկե, ձգտում է ստեղծել իրավիճակ, խթանել, անգամ հրահրել իրավիճակ, որտեղ առավելագույնս կօգտագործի իր «գերազանցությունը»:
Առայժմ, կարծես թե, չի ստացվում: Ընդդիմադիր հիմնական ուժերի առաջնորդները ձեռնպահ են մնում նրա այդ հաշվարկն էլ արդարացնելուց: Արձագանքներ լինում են բնականաբար, որոնք սակայն ճակատային փոխհրաձգության տրամաբանության մեջ չեն: Ընդհանուր առմամբ, ընդդիմադիր առաջատար ուժերը շարունակում են ավելի շատ կենտրոնացած լինել հանրության հետ հաղորդակցության, քան Փաշինյանի հետ «փոխհրաձգության» վրա:
Նաեւ սա է ստեղծում այն նյարդային մթնոլորտը, որ ակնհայտորեն առկա է Նիկոլ Փաշինյանի վարքագծային արեալում»:
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Նարեկ Կարապետյանը պատգամավոր է լինելու, բայց ԿԸՀ-ն իր մասով միջնորդություն պիտի այսօր քննի
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան