Փաշինյանի խուլիգանությունը՝ լակմուսի թուղթ
Երևանի մետրոյում Նիկոլ Փաշինյանի տարօրինակ վարքը, արցախցի կնոջ վրա մատ թափահարելը, վիրավորելն ու սպառնալը այնպիսի սկանդալային ծավալներ են ընդունել, որ Փաշինյանն անձամբ ստիպված է եղել երեք անգամ ներողություն խնդրել՝ ընդ որում, իր իսկ կողմից վիրավորած կնոջը և նրա երեխային հրավիրելով կառավարություն կամ ցանկացած այլ վայր՝ նրանից ներողություն խնդրելու։
Հիշեցնենք, 1993 թ․-ին Արցախյան ազատամարտում զոհված դաշտային հրամանատար Մերուժան Մոսիյանի դստեր՝ Արմինե Մոսիյանի հետ խոսակցությունը վերածվել էր լեզվակռվի։ Ընդ որում, եթե Փաշինյանը հուներից դուրս էր եկել և բղավում էր մանկահասակ երեխայի մոտ, ապա արցախցի կինն իրեն չափազանց արժանապատիվ և վեհ էր պահում՝ ի տարբերություն գործող իշխանության պարագլխի։ Փաշինյանն առաջին անգամ չէ, որ դուրս է գալիս հուներից, վիրավորանքներ հասցնում արցախցիներին։
Եվ եթե մի դեպքում արցախցիներին «քույրեր ու եղբայրներ» է ասում, ապա իրականում ցույց է տալիս իր և իր թիմի վերաբերմունքը հենց տնավեր եղած, հայրենիք կորցրած արցախցիների հանդեպ։ Եվ իրենք էլ հասկանում են, որ այս սկանդալը ամենևին էլ հեշտ չի լինելու կոծկելը, առավել ևս, որ դիմացինն իրեն պահել է չափազանց արժանապատվորեն։ Որքան էլ Փաշինյանը փորձի մանիպուլացնել, ներողություն խնդրել, հայտարարել, թե չէր ցանկանում նման բան ասել, փաստն արդեն այն է, որ գործող իշխանությունը ատում է արցախցիներին, վաղն էլ կսկսի ատել սյունեցիներին, տավուշցիներին, գյումրեցիներին։ Խնդիրը մեկն է՝ ամեն գնով պահել իշխանությունը, և այդ ճանապարհին Փաշինյանը մի օր կարող է իրեն պահել ամենավերջին խուլիգանի պես, իսկ հաջորդ վայրկյանին էլ ներողություն խնդրել։
Գնդակն այժմ հայ հասարակության և ընտրողների դաշտում է, առավել ևս, որ հայ հասարակության մեջ գոյություն ունեն հստակ տաբուներ. երեխայի մոտ չի կարելի բղավել և ճչալ նրա մոր վրա, և դա որևէ կերպ չի տեղավորվում տղամարդկության որևէ չափանիշում։
Մանե Կիրակոսյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Հանրային ակտիվության հետևանքը. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Բեյջի թելերից ավելի ուշագրով գնումներ էլ են եղել