Իրանի խորհրդարանի խոսնակը «կեղծ լուրեր» է որակել Թրամփի հայտարարությունը բանակցությունների մասին
Իրանի խորհրդարանի խոսնակ Մոհամմադ Բաղեր Ղալիբաֆը հերքել է ԱՄՆ նախագահ Դոնալդ Թրամփի հայտարարություններն այն մասին, որ Թեհրանի և Վաշինգտոնի միջև բանակցություններ են ընթանում։ «Արմենպրես»-ի փոխանցմամբ՝ Ղալիբաֆն այս մասին մարտի 23-ի երեկոյան գրառում է արել X հարթակում։
«Կեղծ լուրերն օգտագործվում են ֆինանսական և նավթի շուկաները մանիպուլացնելու և այն ճահճից դուրս գալու համար, որում խճճվել են Միացյալ Նահանգներն ու Իսրայելը», – գրել է նա։Reuters-ը գրում է, որ իսրայելցի մի պաշտոնյա և իրավիճակին ծանոթ երկու այլ աղբյուր հայտնել են, որ հենց Ղալիբաֆն է իրանական կողմի հետ բանակցություններ վարում։
Թրամփը մարտի 23-ին լրագրողների հետ զրույցում հայտնել էր, որ Իրանի հետ բանակցում են ԱՄՆ նախագահի հատուկ բանագնաց Սթիվ Ուիթքոֆը և իր խորհրդական ու փեսա Ջարեդ Քուշները: Նա չի հայտնել, թե ով է բանակցում իրանական կողմից, սակայն ասել է՝ նա երկրի հարգված ղեկավարներից մեկն է:ԱՄՆ նախագահը 5 օրով երկարաձգել է Իրանին տված վերջնաժամկետը Հորմուզի նեղուցը բացելու համար, ինչը չանելու դեպքում սպառնացել էր ոչնչացնել Իրանի էլեկտրակայանները։
Թրամփը նաև հայտարարել էր, որ Իրանն է կապվել ԱՄՆ-ի հետ, քանի որ չէր ցանկանում, որ իր էներգետիկ ենթակառուցվածքը հարվածների ենթարկվի: Սպիտակ տան ղեկավարի խոսքով՝ կողմերը համաձայն են բազմաթիվ կետերի շուրջ: ԱՄՆ նախագահը նաև նշել է՝ որպես հնարավոր համաձայնագրի մաս ԱՄՆ-ն կվերցնի Իրանի հարստացված ուրանը:
Թրամփը հավելել է, որ ԱՄՆ-ն կպահպանի հնգօրյա ժամկետը, և եթե ամեն բան լավ ընթանա, ապա իրավիճակը կհանգուցալուծվի: Նա նաև վստահություն է հայտնել, որ եթե ամեն ինչ ստացվի, Հորմուզի նեղուցը շուտով կբացվի, և նավթի գինը կտրուկ կնվազի:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Հանրային ակտիվության հետևանքը. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Բեյջի թելերից ավելի ուշագրով գնումներ էլ են եղել