Փաշինյանին օգնելու համար հաղթահարել են Հունգարիայի դիմադրությունը
Եվրամիության անդամ երկրների արտգործնախարարները կանաչ լույս են վառել Հայաստան հիբրիդային սպառնալիքներին արագ արձագանքման խումբ ուղարկելու ճանապարհին։ Դեռևս փետրվարի 13-ին արտգործնախարար Արարատ Միրզոյանը նամակով դիմել էր Եվրամիությանը՝ խորհրդարանական ընտրություններին ընդառաջ հիբրիդային սպառնալիքները կանխելու նպատակով, և Եվրամիությունից խոստացել էին գումարներ հատկացնելուն զուգահեռ նաև արագ արձագանքման խումբ ուղարկել։
Նոր առաքելությունը բաղկացած է լինելու 9-14 հոգուց, նրանց խնդիրն է պայքարել արտաքին տեղեկատվական մանիպուլյացիաների ու միջամտությունների, ինչպես նաև կիբեռսպառնալիքների դեմ։ Ակնկալվում է, որ առաքելությունը Հայաստանում կտեղակայվի մարտի վերջին կամ ապրիլի սկզբին՝ 10-ից 15 աշխատանքային օրով։
Ընդ որում, Հայաստանին հաջողվել է հաղթահարել նաև Հունգարիայի վետոն։ Տևական ժամանակ հունգարական իշխանությունները խափանում են Հայաստանի ուղղված որոշ նախաձեռնություններ՝ պահանջելով նույնը անել նաև Ադրբեջանի համար։ Փաստացի Եվրամիության ղեկավարությանը Բրյուսելում հաջողվել է համոզել Հունգարիային՝ թույլատրել արագ արձագանքման խումբ ուղարկել Երևան։
Սա, բնականաբար, դիվանագիտական հաղթանակ համարել հնարավոր չէ։ Նույն Հունգարիան, օրինակ, արգելափակում է տարբեր մարդասիրական կամ ռազմական բնույթի օգնություններ հատկացնելու որոշումները՝ իր նպատակահարմարությամբ։ Եվրամիության արագ արձագանքման խումբը, նշենք, հանդիպումներ է ունենալու Վարչապետի աշխատակազմի, Անվտանգության խորհրդի քարտուղարի գրասենյակի, Պետեկամուտների կոմիտեի, Կենտրոնական ընտրական հանձնաժողովի և ոստիկանության հետ՝ նրանց խորհրդատվական ծառայություններ մատուցելով։
Աննա Մարգարյան
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Նարեկ Կարապետյանը պատգամավոր է լինելու, բայց ԿԸՀ-ն իր մասով միջնորդություն պիտի այսօր քննի
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան