Քպականները կենաց և մահու կռիվ են տալու սեփական ժողովրդի դեմ
Ազգային ժողովի մուտքի դիմաց երեկ հերթական միջադեպն է տեղի ունեցել, հնչել են հայհոյանքներ։ Մի մեծ խումբ ցուցարարներ արդեն մի քանի օր խորհրդարանի դիմաց պահանջում են հրապարակել 44-օրյա պատերազմի քննիչ հանձնաժողովի զեկույցը։ Բողոքի ակցիայի մասնակիցները երեկ նաև պահանջներ են ներկայացրել Ազգային ժողովի նախագահին։ Ոմն Միքայել Մարգարյանի հետ զրույցի ընթացքում հայհոյանքներ են հնչել, դրանից հետո Մարգարյանը և «Համահայկական ճակատ» կուսակցության անդամ Արսեն Վարդանյանը բերման են ենթարկվել ոստիկանների կողմից։
Ոստիկանությունն այդպես էլ չի հայտնում, թե ինչու է Դեմիրճյան փողոցից երկու անձ ներկայացվել համայնքային ոստիկանության Արաբկիրի բաժին, որևէ հիմք իրենց արածի համար չեն հայտնում։ Փոխարենը, այս միջադեպը հերթական անգամ ապացուցում է, որ գործող իշխանությունները շարքային քաղաքացիների հետ շարունակում են հարաբերվել հայհոյանքներով և վիրավորանքներով։ Սա նաև հստակ ցուցիչ է, թե ինչպես է հանրությունը վերաբերում գործող իշխանություններին։
Թեպետ Փաշինյանն իր ուրախ ավտոբուսով քարոզարշավ է իրականացնում Հայաստանի տարբեր վայրերում, փորձում է տեսանյութերով տպավորություն ստեղծել, թե իրենց բավականին լավ են դիմավորում և լավ են ընդունում, բայց իրականում թե՛ սոցցանցային գրառումները, թե՛ հանրության իրական վերաբերմունքը վկայում են, որ Փաշինյանի իշխանությունը որևէ հենարան այլևս հանրության մեջ չունի, իսկ մարդիկ իրենց վերաբերմունքը, բացասական հույզերը չեն էլ թաքցնում գործող իշխանությունների հանդեպ։
Սա մի կողմից վկայում է, որ Փաշինյանի իշխանությունը որևէ տարբերակ չունի վերարտադրվելու, մյուս կողմից էլ ավելի է ամրապնդում գործող իշխանության շարքերը։ ՔՊ-ականները հրաշալի հասկանում են, որ իշխանությունը կորցնելուց հետո հայտնվելու են վրեժխնդրության և օրենքի առաջ պատասխան տալու անհրաժեշտության առաջ, ուստի կենաց և մահու կռիվ են տալու սեփական ժողովրդի դեմ։
Սոնա Գալստյան
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Նարեկ Կարապետյանը պատգամավոր է լինելու, բայց ԿԸՀ-ն իր մասով միջնորդություն պիտի այսօր քննի
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան