Պուտինի հետ հանդիպումից հետո տուժելու են բեռնափոխադրողները
Փաշինյան–Պուտին հանդիպումից հետո շատ վերլուծաբաններ կարծիք էին հայտնում, որ Ռուսաստանը տնտեսական բնույթի ճնշումներ է գործադրելու Հայաստանի գործող իշխանությունների նկատմամբ։ Սովորաբար, ինչպես լինում է նման պայմաններում, առաջին հարվածն իրենց վրա զգալու են շարքային քաղաքացիները՝ բեռնափոխադրողները։ Հանդիպումից անմիջապես հետո Ռուսաստանի գյուղատնտեսական վերահսկողության դաշնային ծառայությունը՝ Ռոսսելխոզնադզորը, մտահոգություն էր հայտնել Հայաստանից ներմուծվող գյուղատնտեսական որոշ ապրանքների որակի վերահսկողության վերաբերյալ։
Կառույցի ղեկավար Դանկվերտը պնդել է, թե Հայաստանի սահմանած վերահսկողությունը չի համապատասխանում Եվրասիական տնտեսական միության պայմաններին։ Սա հատկապես վերաբերում է գյուղմթերքին և ծաղիկներին, առավել ևս, որ արտահանման սեզոնը մոտենում է, և բեռնափոխադրողները լուրջ խնդիրների են բախվելու։ Վերջին օրերին բեռնափոխադրողներն իրենց մեջ խոսում են, որ կրկին կսկսեն սահմանին հերթերի մեջ մնալ, ստուգումների անվան տակ կխոչընդոտեն նրանց մուտքը Ռուսաստան, արդյունքում հայկական բիզնեսը բավականին լուրջ վնասներ կկրի։
Այս ամենը ընդամենը մեկ պատճառով՝ Նիկոլ Փաշինյանը ամեն ինչ արել է հայ-ռուսական հարաբերությունները փչացնելու համար, և բնական է, որ Ռուսաստանն իր կողմից միջոցներ է ձեռնարկելու հայկական իշխանություններին պատժելու նպատակով։
Աննա Մարգարյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Հանրային ակտիվության հետևանքը. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Բեյջի թելերից ավելի ուշագրով գնումներ էլ են եղել