Փաշինյանը եկեղեցու դեմ պայքարը ներառել է ՔՊ ծրագրում
Հայ առաքելական եկեղեցու դեմ գործող իշխանության արշավը, թեև պասիվացել է վերջին շրջանում, բայց, ի հեճուկս որոշ վերլուծությունների, ամենևին էլ հանդարտվելու միտք չունի։ Նախընտրական շրջանում Փաշինյանը, ըստ մեր աղբյուրների, հաշվի է առել Միջազգային հանրապետական ինստիտուտի հարցումները, ըստ որոնց՝ եկեղեցու վարկանիշը չափազանց բարձր է հանրության, հատկապես՝ երիտասարդության շրջանում, և ժամանակավոր դադար է վերցրել, բայց մտադիր է առանձնակի ակտիվությամբ պայքարել արդեն ընտրություններից հետո։ Ավելին, նա եկեղեցու դեմ պայքարը ներառել է ՔՊ նախընտրական ծրագրում։ Ապրիլի 4-ին համաժողովում հաստատված ծրագրում առանձին կետով անդրադարձ է կատարվում Հայաստանյայց Առաքելական Սուրբ Եկեղեցուն և դրա բարեփոխման օրակարգին։
Ծրագրում նշվում է, որ եկեղեցու գործունեության հետևանքով «հավատավոր հանրությունն օտարվել է», ինչպես նաև ներկայացվում է գնահատական, ըստ որի՝ «հնարավորություն է ստեղծվել, որ արտաքին ուժերը փորձ անեն Հայաստանյայց Առաքելական Սուրբ Եկեղեցին դարձնել Հայաստանի Հանրապետության անկախության, ինքնիշխանության դեմ հիբրիդային պայքարի հենակետ»։ Կուսակցությունն առաջարկում է ճանապարհային քարտեզ, որի առաջին կետն է՝ «Հայաստանյայց Առաքելական Սուրբ Եկեղեցու փաստացի պետի հեռացում (հանգստի կոչում)», որին պետք է հաջորդի նոր կանոնադրության ընդունումը և նոր Կաթողիկոսի ընտրությունը։ Նույն այդ համաժողովում Փաշինյանը հայտարարել էր, թե իր համար ակնհայտ է, որ 2026 թ․ հունիսի 7-ի ընտրություններում էլ պատերազմի եռագլուխ կուսակցությունը հագնելու է ժողովրդի պատին։
«Եվ այդ պատերազմի եռագլուխ կուսակցությունից մեծ կտորը մնալու է ականջը, որը, տվյալ դեպքում, նկատի ունեմ Կտրիճ Ներսիսյանը»,– շեշտել էր Փաշինյանը։ Սա վկայում է, որ գործող իշխանությունը չի դադարեցրել հակաեկեղեցական պայքարը, ընդամենը փոխել է մարտավարությունը։
Սոնա Գալստյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Հանրային ակտիվության հետևանքը. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հայաստանի արդարադատության հրաշքը. երբ ներդրողը դառնում է մեղադրյալ, իսկ պարտքը՝ հանցագործության պատմ...
Բեյջի թելերից ավելի ուշագրով գնումներ էլ են եղել